යුද හමුදා සාජන් මේජර්වරයකු වෙඩි තබාගෙන මරුට

හොරණ දොඹගොඩ ශ්‍රී ලංකා යුද හමුදා යුධෝපකරණ බළකායට අනුයුක්තව සේවය කළ සාජන් මේජර්වරයෙකු අද (09) දහවල් වෙඩි තබාගෙන ජීවිතක්ෂයට පත්ව ඇත.

අඟුරුවාතොට පොලිසිය විසින් මේ පිළිබඳ මූලික විමර්ශන පවත්වනු ලබයි.

මෙසේ මියගොස් ඇත්තේ මිල්ලනිය, හල්තොට ප්‍රදේශයේ පදිංචි 34 හැවිරිදි කේ. එල්. සුරේෂ් කැලුම් නැමැති දෙදරු පියෙකි.

ඔහු බලලත් නිලධාරි 2 තනතුරේ සේවය කළ අයෙකු වන අතර, එම උසස්වීම ලබා ගතව ඇත්තේ දින හතරක් වැනි කෙටි කාලයකි.