කොකේන් මත්ද්‍රව්‍ය එක්ක ජනප්‍රිය රංගන ශිල්පියෙකු අත්අඩංගුවට

ජනප්‍රිය රංගන ශිල්පියෙකු වන විරාජ් ධනූෂ නම් අය කොකේන් මත්ද්‍රව්‍ය සන්තකයේ තබා ගෙන සිටියදී අත්අඩංගුවට ගත් බව මත්තේගොඩ පොලිසිය පවසනවා.

එම සැකකරු සන්තකයේ තිබී කොකේන් මත්ද්‍රව්‍යය මිලිග්‍රෑම් 10ක් පොලිස් භාරයට ගෙන ඇති බවයි වාර්තා වන්නේ.

මත්තෙගොඩ පොලිසියේ ස්ථානාධිපති ඇතුළු කණ්ඩායමක් පිළියන්දල නගරය ආසන්නයේ මත්ද්‍රව්‍ය වැටලීමකට පැමිණ සැකකරු රැඳී සිටි කාමරය පරික්ෂා කර ඇති අතර අනතුරුව සැකකරු පරික්ෂා කිරීමේදී ඔහු සන්තකයේ තිබූ මෙම කොකේන් මත්ද්‍රව්‍ය සොයාගත් බවයි පොලිසිය සඳහන් කළේ.

අත්අඩංගුවට ගත් 26 හැවිරිදි සැකකරු අනුරාධපුර පදිංචිකරුවෙකි.

සැකකරු කැස්බෑව මහේස්ත්‍රාත් අධිකරණය වෙත ඉදිරිපත් කිරීමට නියමිතය.

(source – newscenter)