අමෙරිකානු ප්‍රහාරක ජෙට් යානයක් බිම හෙලීමට ඉරානය සමත් වෙයි

ඉරානයට ඉහළින් පියාසර කරමින් තිබූ අමෙරිකානු ප්‍රහාරක ජෙට් යානයක් වෙඩිතබා බිම හෙළා ඇති බව විදේශ මාධ්‍ය වාර්තා කරයි.

මෙම පුවත මුලින්ම වාර්තා කරන ලද්දේ රොයිටර්ස් පුවත් සේවය විසිනි.

සිය අනන්‍යතාව හෙළි කිරීමට අකමැති වූ අමෙරිකානු නිලධාරියෙකු උපුටා දක්වමින් රොයිටර්ස් පුවත් සේවය එය වාර්තා කර තිබුණි.

මෙම බරපතළ සිදුවීම සම්බන්ධයෙන් අමෙරිකානු ආරක්ෂක මූලස්ථානය වන පෙන්ටගනය හෝ එක්සත් ජනපද මධ්‍යම අණදෙන නිලධාරියා (US Central Command) මෙතෙක් නිල වශයෙන් කිසිදු ප්‍රතිචාරයක් දක්වා නොමැත.