රාජ්ය සේවය ක්රමානුකූලව පවත්වාගෙන යාම සඳහා පත් කළ අමාත්ය මණ්ඩල කමිටුවේ තෙවන රැස්වීම අග්රාමාත්ය ආචාර්ය හරිනි අමරසූරියගේ ප්රධානත්වයෙන් මාර්ගගත ක්රමවේදය ඔස්සේ පසුගියදා (01) පැවැත්විණි.
මැදපෙරදිග යුදමය තත්ත්වය හේතුවෙන් මතුව ඇති අභියෝග හමුවේ ඉන්ධන සහ බලශක්තිය කළමනාකරණය කර ගනිමින් රාජ්ය සේවය අඛණ්ඩව පවත්වාගෙන යාම වෙනුවෙන් පසුගිය රැස්වීමේදී ගනු ලැබූ තීරණ ක්රියාත්මක කිරීමේ ප්රගතිය මෙහිදී විමසා බැලිණි.
එමෙන්ම අත්යවශ්ය සේවා කොමසාරිස් ජනරාල් කාර්යාලය විසින් නිකුත් කරන ලද මාර්ගෝපදේශ අමාත්යාංශ මට්ටමින් ක්රියාත්මක වීම සහ එහි ප්රගතිය මෙහිදී විශේෂ අවධානයට ලක් විය.
සෞඛ්ය හා ජනමාධ්ය අමාත්යාංශය මාර්තු 31 වන විට ඩීසල් 42% ක ඉතිරියක් කර ඇති අතර ‘විදුලිය සහ ජල කළමනාකරණ වැඩසටහන් මේ වන විට සාර්ථකව ක්රියාත්මක කරමින් තිබෙන බව මෙහිදී අනාවරණය කෙරිණි.
අප්රේල් 07 සහ 09 යන දිනවල පාසල් මට්ටමින් බලශක්තිය කළමනාකරණය පිළිබඳ දැනුවත් කිරීමේ වැඩසටහන් පැවැත්වීමට නියමිත බවත්, විශ්වවිද්යාල හැකි ඇතැම් අවස්ථාවන්හිදී මාර්ගගතව ක්රියාත්මක වන බවත් මෙහිදී අනාවරණය කෙරිණි
ග්රාම නිලධාරී ප්රවේශ විභාගය ඇතුළු විභාග සැලසුම් කර තිබු ආකාරයට පැවැත්වූ බව රාජ්ය පරිපාලන අමාත්යාශය දැනුම් දුන් අතර, ප්රවාහන, ඩිජිටල් ආර්ථික, අධිකරණ ඇතුළු බොහෝ අමාත්යාංශ අත්යවශ්ය සේවක ප්රමාණයක් ගෙන්වාගෙන සහ මාර්ගගත ක්රමවේද ඔස්සේ සේවා අඛණ්ඩව පවත්වාගෙන යන බව සඳහන් කෙරිණි.
රාජ්ය ආයතනවල ඉන්ධන සහ බලශක්ති කළමනාකරණය අධීක්ෂණය කිරීම පිළිබඳවද මෙහිදී අවධානය යොමු වූ අතර, ඒ සඳහා රාජ්ය ආයතන ගෙන ඇති ක්රියාමාර්ග සහ ඉතිරි කර ඇති බලශක්ති ප්රමාණය මීළඟ කමිටු රැස්වීමට වාර්තා කිරීමටද තීරණය විය.
මේ අතර, ජල පරිභෝජනය අපතේ යාම වළක්වා ගැනීම සහ විකල්ප ජල මූලාශ්ර භාවිතය පිළිබඳව මහජනතාව දැනුවත් කිරීමේ කඩිනම් වැඩසටහනක් ජාතික ජල සම්පාදන හා ජලාපවහන මණ්ඩලය සහ ‘ක්ලීන් ශ්රී ලංකා’ වැඩසටහන එක්ව ක්රියාත්මක කිරීමටද මෙහිදී සාකච්ඡා විය.
ඩිජිටල් ආර්ථික අමාත්යාංශය විසින් මාර්ගගත ක්රමවේද ඔස්සේ රාජකාරී ඉටු කිරීමට අදාළ උපදෙස් මාලාවක් සකස් කර ඇති අතර, රාජ්ය පරිපාලන අමාත්යාංශයේ එකඟතාවයෙන් එය ක්රියාත්මක කිරීමටත් ඒ අනුව 2026 අප්රේල් 20 වන දිනට පෙර මාර්ගෝපදේශයට අනුව ක්රියාත්මක වීම සඳහා අවශ්ය චක්රලේඛ විධිවිධාන නිකුත් කිරීමට සහ අප්රේල් 16 සහ 17 යන දිනවල මාර්ගගතව රාජකාරී කිරීමේ හැකියාව සොයා බැලීමටත්, ස්වාධීන කොමිෂන් සභාද මාර්ගගත ක්රමවේද ඔස්සේ ක්රියාත්මක කිරීම පිළිබඳ දැනුවත් කිරීමටත් මෙහිදී සාකච්ඡා කෙරිණි.
තවද, දෛනික බලශක්ති පරිභෝජනය, සංචිත ප්රමාණය, රාජ්ය සේවක පැමිණීම ආදිය Dashboard එකක් ඔස්සේ ප්රදර්ශනය කරමින් අදාළ කටයුතු අධීක්ෂණය කිරීමට සහ තීරණ ගැනීමටද මෙහිදී අවධානය යොමු විය.
2026 අප්රේල් 08 වනදා නැවත කමිටුව රැස්වීමටද තීරණය කෙරිණි.
රාජ්ය පරිපාලන, පළාත් සභා සහ පළාත් පාලන අමාත්ය ඒ. එච්. එම්. එම්. එච්. අබයරත්න, ජනාධිපති ලේකම් ආචාර්ය නන්දික සනත් කුමානායක, අග්රාමාත්ය ලේකම් ප්රදීප් සපුතන්ත්රී, ජනාධිපති කාර්ය මණ්ඩල ප්රධානී ප්රභාත් චන්ද්රකීර්ති, රාජ්ය පරිපාලන, පළාත් සභා සහ පළාත් පාලන අමාත්යාංශයේ ලේකම් එස්. ආලෝක බණ්ඩාර, අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ ලේකම් නාලක කළුවැව,සෞඛ්ය හා ජනමාධ්ය අමාත්යාංශයේ ලේකම් වෛද්ය අනිල් ජාසිංහ, බලශක්ති අමාත්යාංශයේ ලේකම් මහාචාර්ය ටී. එම්. උදයංග හේමපාල, අධිකරණ, සහ ජාතික ඒකාබද්ධතා අමාත්යාංශයේ ලේකම් අයේෂා ජිනසේන, ඩිජිටල් ආර්ථික අමාත්යාංශයේ ලේකම් ටී. ආර්. ඩබ්. එස්. ධනපාල, ප්රවාහන, මහාමාර්ග සහ නාගරික සංවර්ධන අමාත්යාංශයේ ලේකම් ජ්යෙෂ්ඨ මහාචාර්ය කපිල සී.කේ. පෙරේරා, නිවාස, ඉදිකිරීම් සහ ජල සම්පාදන අමාත්යාංශයේ ලේකම් ඉංජිනේරු කුමුදු ලාල් බෝගහවත්ත, ජනාධිපති ජ්යෙෂ්ඨ අතිරේක ලේකම් රෝෂන් ගමගේ, ඛනිජ තෙල් නීතිගත සංස්ථාවේ සභාපති ඩී. ජේ. ඒ. එස්. එස්. රාජකරුණා යන මහත්ම මහත්මීහු ඇතුළු කමිටු සාමාජිකයෝ මෙම අවස්ථාවට එක්ව සිටියහ.
මහනුවර සිසුන් මියගිය අනතුරේ රියැදුරු රිමාන්ඩ් 
GMOA හෙට යළිත් වර්ජනයක් කැඳවයි 
ඇමති විජිත සහ රුසියානු නියෝජ්ය විදේශ ඇමති අතර හමුවක් 
ලෝක වෙළඳපොළේ බොරතෙල් මිල යළිත් ඉහළට 
අන්තර්ජාලය ඔස්සේ මූල්ය වංචා කළ විදෙස් ජාතිකයින් 147 දෙනකු හලාවතදී අත්අඩංගුවට 
අමෙරිකානු හමුදා මාණ්ඩලික ප්රධානියාට වහාම තනතුරෙන් ඉවත්වන ලෙසට නියෝග 
‘GR 11’ සහල් ආනයනය සඳහා ගැසට් නිවේදනයක් 
එෂාන් මාලිංගගේ සුපිරි දස්කම් SRH පිලට ජය ගෙන දෙයි 
A/L වලට A3ක් ගත්ත 14 හැවිරිදි සුමනධම්ම පොඩි හාමුදුරුවෝ! O/L කරලා තියෙන්නේ අවුරුදු 12න්! 
අද ගිගුරුම් සහිත වැසි වැටෙන ප්රදේශ 
ඔරියන් යානය පෘථිවි කක්ෂය පසුකර සඳට තවත් ළංවෙයි 
බන්ධනාගාර දෙපාර්තමේන්තුවට නව වැඩබලන කොමසාරිස් ජනරාල්වරයෙක්