සිංහල හා හින්දු අලුත් අවුරුදු ලග්න පලාපල – වෘශ්චික ලග්නය

1 week ago

ලග්නාධිපති කීර්ති ස්ථානයේ ගමන් ගන්නා අතර එළඹෙන නව වසර ශුභාශුභ මිශ්‍ර ඵල දෙයි. තරමක් වෙහෙසව ක්‍රියා කිරීමට සිදු වන වසරකි.

රැකී රක්ෂා ස්ථානවල තිබූ බාධා ඉවන් වෙයි. නව රැකියා ලාභ ලබයි.

රැකියා ස්ථාන මාරු වීමට හේතුයි. ආර්ථික පීඩා තරමක් මග හැරේ. උත්සාහයේ තරමට ප්‍රතිඵල ශුභදායක වෙයි. තනතුරු ලාභ ද ලබයි.

ගෘහ ජීවිතය ශුභයි. අඹු සැමි අතර බාධා ඉවන් වෙයි. පැවති සතුරු බලවේග ද ඉවත් වෙයි. සෘජු ගුණයේ පිහිටා කටයුතු වල යෙදිය යුතුය. පදිංචියේ වෙනසකට හේතුයි. නව නිවාස ලාභ ලබයි. ඇසුරින් දුරස්ථ දොති මිත්‍රාදීන් සමීප කරවන ක්‍රියා යෙදේ මංගල සාද යෙදේ අවිවාහකයින්ට මංගල සීනු නාද වෙයි.

අධ්‍යාපනික කටයුතුවල යෙදෙන්නන්ට මහන්සියේ තරමට ප්‍රතිඵල ශුභ දායකයි. උගතුන් වියතුන් ඇසුරට පත්වෙයි. සෞන්දර්ය කලාවන්හි යෙදෙන්නන්ට ශුභයි. භූමි ලාභ සම්පත් ගෙන දෙන අතර පොළොව සම්බන්ධ කටයුතු වල යෙදෙන්නන්ට ඒ සඳහා යොමුවීම යහපනී. දෙස් විදෙස් ගමනේ යෙදේ.

ආගමික ක්‍රියාකාරකම් කෙරෙහිද යොමුවේ. හදිසි බාධා මතු කරයි. නව වැඩ ඇරඹීම ද උපදෙස් මතම ක්‍රියා කිරීම මැනවි. තමනට සමාජයෙන් වරින් වර පීඩා මතු කරයි.

හදිසි රෝග කැඩුම් බිඳුම් වැනි දේවලට හේතුයි. ශල්‍ය කර්ම කරවන රෝග ද මතු කරයි. අර්ශස්, භගන්දර වැනි බඩවැල් ආශ්‍රිත රෝග මතු කරදි

පවතින පීඩා සඳහා ආගමික වතාවන් ගරු කිරීම, ශ්‍රමණ බමුණන් උදෙසා පුද පුජා පැවැත්වීම, සිර කර ඇති සතුන් නිදහස් කිරීම වැනි දේවල්දය හාපති ස්කන්ධ කුමාර දේව පූජා පවත්වා පිං අනුමෝදන් කර ආශිර්වාද ඉල්ලා සිටින්න.

ජ්‍යොතිෂවේදී, ගුප්තවිද්‍යා, වාස්තුවිද්‍ය, හස්තරේඛා පාඨමාලා උපදේශක ආචාර්ය ඉනෝකා චතුරාණි හපුආරච්චි