අවුරුදු උත්සවයක ගැටුමක්! හතක් රෝහලට!

ආණමඩුව කරඹෑවේ ප්‍රදේශයේ ඊයේ (18) පැවති අවුරුදු උත්සවයක් අතරතුර ඇති වූ ගැටුමකින් හත් දෙනෙකු තුවාල ලබා තිබෙනවා. 

තුවාලකරුවන් ආණමඩුව මූලික රෝහලට ඇතුළත් කර ඇති බව පොලිසිය සඳහන් කරනවා. 

ගම්වාසීන් විසින් සංවිධාන කර තිබූ මෙම අවුරුදු උත්සවයට පැමිණි සිටි දෙපිරිසක් අතර ඇති වූ ආරවුලක් ගුටිබැට හුවමාරුවක් දක්වා දුර ගොස් ඇති බව පොලිසිය පවසනවා.

තුවාල ලැබූ පිරිසකගේ තත්ත්වය බරපතල නොවන බවත් සිද්ධිය සම්බන්ධයෙන් ලැබුණු තොරතුරු හා ප්‍රකාශ මත පරීක්ෂණ ආරම්භ කර ඇති බවත් ආණමඩුව පොලිසිය වැඩිදුරටත් සඳහන් කරනවා.