ජාතික ජන බලවේගයේ පාර්ලිමේන්තු මන්ත්‍රීවරුන්ට සුමන්තිරන්ගෙන් දැඩි විවේචනයක්

බලශක්ති අමාත්‍ය කුමාර ජයකොඩි මහතා එම ධුරයෙන් ඉල්ලාඅස්වීම සම්බන්ධයෙන් ඉලංකෙයි තමිල් අරසු කච්චි (ITAK) මහලේකම් එම්.ඒ. සුමන්තිරන් මහතා සිය ප්‍රසාදය පළකර තිබේ.

කෙසේවෙතත් හිටපු අමාත්‍යවරයා ආරක්ෂා කර ඔහුව ධුරයේ තබා ගැනීමට ඡන්දය දීම සම්බන්ධයෙන් රජය සහ ජාතික ජන බලවේගයේ පාර්ලිමේන්තු මන්ත්‍රීවරුන්ව, ඔහු දැඩි ලෙස විවේචනය කර ඇත.

ආනයනය කරන ලද ගල්අඟුරු ප්‍රමිතියෙන් තොර බව පරිපාලනය විසින්ම පිළිගෙන තිබියදීත්, රජය සහ ජාතික ජන බලවේගයේ මන්ත්‍රීවරුන් ඔහුව අඛණ්ඩව ආරක්ෂා කිරීම පිළිගත නොහැකි බව හිටපු පාර්ලිමේන්තු මන්ත්‍රී එම්. ඒ සුමන්තිරන් මහතා සිය ‘X’ අවකාශයේ සටහනක් තබමින් සඳහන් කර තිබේ.

ප්‍රමිතියෙන් තොර ගල්අඟුරු මිලදී ගැනීම සම්බන්ධයෙන් අලුතින් පත් කරන ලද විශේෂ ජනාධිපති කොමිසම මගින් සිදුකෙරෙන විමර්ශන වලට සහාය දක්වමින්  කුමාර ජයකොඩි මහතා සිය අමාත්‍ය ධුරයෙන් ඊයේ (17) ඉල්ලා අස්විය.