ජාත්යන්තර මූල්ය අරමුදලේ (IMF) විස්තීරණ අරමුදල් පහසුකම යටතේ ශ්රී ලංකාවට අදාළ පස්වන සහ හයවන සමාලෝචන ඇගයීමට ලක්කිරීම අද (මැයි 27) වොෂින්ටන් නුවර පිහිටි ජාත්යන්තර මූල්ය අරමුදල් විධායක මණ්ඩලයේදී සිදුකිරීමට නියමිතව තිබේ.
ජාත්යන්තර මූල්ය අරමුදලේ නිල ප්රකාශකයින් සඳහන් කර ඇති පරිදි, මෙම සමාලෝචන ද්විත්වය සාර්ථකව අවසන් කර විධායක මණ්ඩලයේ අනුමැතිය හිමිවීමත් සමඟ ශ්රී ලංකාවට අමෙරිකානු ඩොලර් මිලියන 700ක (USD 700 Million) පමණ මූල්ය ආධාර වාරිකයක් ලබාගැනීම සඳහා වන නිල ප්රවේශය සහ අවස්ථාව හිමිවනු ඇත.
මෙම සමාලෝචන අනුමත කරවා ගැනීම සඳහා ශ්රී ලංකා රජය විසින් ක්රියාත්මක කළ ආර්ථික ප්රතිසංස්කරණ කිහිපයක්ම සෘජුව බලපා ඇති බව මීට පෙර ජාත්යන්තර මූල්ය අරමුදලේ සන්නිවේදන දෙපාර්තමේන්තුවේ අධ්යක්ෂවරිය ප්රකාශ කර තිබුණි. විශේෂයෙන්ම, රටේ අඩු ආදායම්ලාභී සහ අවදානමට ලක්විය හැකි සමාජ කොටස් ආරක්ෂා කර ගනිමින්, පිරිවැය ආවරණය වන පරිදි විදුලි ගාස්තු සහ ඉන්ධන මිල ප්රතිස්ථාපනය කිරීම සඳහා ගත් ක්රියාමාර්ග මෙහිදී අතිශය තීරණාත්මක වූ බව ඇය වැඩිදුරටත් පෙන්වා දී තිබේ.
මෙම අනුමැතිය හිමිවීමත් සමඟ මෙරට විදේශ සංචිත ශක්තිමත් වීමට මෙන්ම ජාත්යන්තර වශයෙන් ශ්රී ලංකාවේ මූල්ය විශ්වාසනීයත්වය තවදුරටත් ඉහළ යෑමට ඉවහල් වනු ඇතැයි ආර්ථික විශ්ලේෂකයෝ අපේක්ෂා කරති.
මෝදි සහ විජේ අතර හමුවක් 
වනාතවිල්ලුව ප්රාදේශීය සභාවේ බල හුවමාරුවක් 
බොරතෙල් මිල සැලකිය යුතු ලෙස පහළට 
ජනපතිගෙන් දැඩි තීරණයක් 
අගමැතිනියගේ නම, ඡායාරූප සහ වීඩියෝ දර්ශන යොදාගෙන නිර්මාණය කරන ලද ව්යාජ පුවත් ගැන දැනුම්දීමක් 
සුරාසැල් වැසෙන දින මෙන්න 
වාහන මිලෙහි වෙනසක් සිදුවන ලකුණු 
හිටපු පාර්ලිමේන්තු මන්ත්රී ජයන්ත සමරවීර අත්අඩංගුවට ගැනීමට අධිකරණ නියෝගයක් 
මෙරටින් හමු වූ මෙනින්ජයිටීස් රෝගීන් සංඛ්යාව 200 ඉක්මවා යයි 
වෙසක් උත්සවය වෙනුවෙන් වැසෙන ස්ථාන හා දින පිළිබඳව දැනුම්දීමක් 
බැංගලෝරයට IPL අවසන් තරගයේ දොරටු විවර වෙයි 
ඩොලරය යළිත් ඉහළට! 330 සීමාව ඉක්මවා යයි!