මත්පැන් බෝතල් 5,575 ක් සමඟ පුද්ගලයෙක් අත්අඩංගුවට

නීතිවිරෝධී ලෙස ගබඩා කර තිබුණු මත්පැන් බෝතල් 5,575 ක් සමඟ සැකකරුවෙකු අත්අඩංගුවට ගෙන තිබෙනවා.

ඒ අනුව, ඊයේ (14) නැගෙනහිර නාවික විධානයට අයත් ශ්‍රී ලංකා නාවික නෞකා ගෝඨාභය ආයතනයට ලැබුණු බුද්ධි තොරතුරක් මත, මුලතිව් පුදුකුඩිඉරිප්පු ප්‍රදේශයේ සිදු කළ මෙහෙයුමකින් මෙම වැටලීම සිදු කර ඇති බවයි සඳහන් වන්නේ.

එහිදී අත්අඩංගුවට ගත් සැකකරු වයස අවුරුදු 43 ක් වන මුලතිව් ප්‍රදේශයේ පදිංචිකරුවෙක් වන අතර, සැකකරු සහ නීතිවිරෝධී මත්පැන් තොගය ඉදිරි නීතිමය කටයුතු සඳහා මුලතිව් සුරාබදු දෙපාර්තමේන්තු කාර්යාලය වෙත භාර දී ඇති බවයි වැඩිදුරටත් සඳහන් වන්නේ.