මීගමුව මහ නගර සභාවේ නගරාධිපතිවරයා ඉල්ලා අස්වෙයි

ජාතික ජන බලවේගයට බලය හිමි මීගමුව මහ නගර සභාවේ නගරාධිපති රොබට් හීන්කෙන්ද මහතා සිය ධුරයෙන් ඉල්ලා අස්වී ඇති බව වාර්තා වේ.

දේශපාලන ආරංචි මාර්ග සඳහන් කරන්නේ පෞද්ගලික හේතුවක් මුල් කරගනිමින් ඔහු මෙලෙස සිය නගරාධිපති ධුරයෙන් ඉල්ලා අස්වීමට කටයුතු කර ඇති බවයි.

මීට පෙර අවස්ථා කිහිපයකදී ද රොබට් හීන්කෙන්ද මහතා නගාරාධිපති ධුරයෙන් ඉවත් වන බවට විවිධ ප්‍රකාශ සිදු කර තිබුණි. කෙසේ වෙතත්, එම සෑම අවස්ථාවකදීම සිය තීරණය වෙනස් කරගනිමින් ධුරයේ දිගටම කටයුතු කිරීමට ඔහු පියවර ගෙන තිබුණ ද, මෙවර ඔහු සිය ඉල්ලා අස්වීමේ ලිපිය නිල වශයෙන් භාර දී ඇති බව වැඩිදුරටත් වාර්තා වේ.