ආසියානු කුසලානයේ සුපිරි හතර දෙනාගේ වටයේ තරඟ කාලසටහනේ වෙනසක්! නව කාලසටහන මෙන්න!

ආසියානු කුසලාන පන්දුවාර 20යි 20 ක්‍රිකට් තරගාවලියේ මූලික වටයේ දී ශ්‍රී ලංකා කණ්ඩායම B කාණ්ඩයේ දෙවැනි ස්ථානය හිමි කර ගත්ත ද, ඔවුන් B 1 කණ්ඩායම ලෙස සලකා තිබෙනවා.

ඒ, ඇෆ්ඝනිස්තානය ක්‍රීඩා කළ තරග දෙකම ජය ගනිමින් B කාණ්ඩයේ පෙරමුණ ගෙන ඇති පසුබිමකයි.

සත්කාරක අයිතිය ශ්‍රී ලංකාව සතු වීම මත පදනම්ව එම තීරණය ගෙන ඇති බවට වාර්තා වන අතර, ඒ අනුව ශ්‍රී ලංකාව B කාණ්ඩයේ දෙවැනි ස්ථානය හිමි කර ගත් කණ්ඩායම බැවින් ඊට අනුරූපීව මීට පෙර අප විසින් මෙන්ම ජාත්‍යන්තර ක්‍රීඩා මාධ්‍ය පවා ප්‍රකාශයට පත් කර තිබූ තරග කාලසටහනෙහි සංශෝදනයක් සිදු විය යුතුයි.