දුම්රියෙන් වැටී පුද්ගලයෙකු මරුට

කොළඹ සිට බදුල්ල බලා ධාවනය වෙමින් තිබූ පොඩි මැණිකේ දුම්රියේ ගමන් ගත් පුද්ගලයකු අද (28) පස්වරු 3.30ට පමණ බණ්ඩාරවෙල දුම්රිය ස්ථානය අසලදී දුම්රියෙන් ඇද වැටී එම දුම්රියටම යට වීමෙන් මියගොස් ඇතැයි අප වාර්තාකරු පවසනවා.

මෙසේ මියගොස් ඇත්තේ මහනුවර දුම්රිය ස්ථානයෙන් බණ්ඩාරවෙල නගරයට පැමිණි පිළිමතලාව ප්‍රදේශයේ පදිංචි පුද්ගලයෙකි.

එම පුද්ගලයා දුම්රිය බණ්ඩාරවෙල දුම්රිය ස්ථානය අසලට පැමිණෙනවාත් සමගම දුම්රිය නතර කිරීමට පෙර ඉන් බැසීමට තැත් කිරීමේ දී ඇද වැටී ධාවනය වෙමින් පැවතී එම දුම්රියටම යට වීමෙන් මෙලෙස මියගොස් ඇති බවයි මූලික විමර්ශනවලදී අනාවරණය වී ඇත්තේ.

මියගිය පුද්ගලයාගේ දේහය මේවන විට බණ්ඩාරවෙල මූලික රෝහල් මෘත ශරීරාගාරයේ තබා ඇත.

සිද්ධිය සම්බන්ධයෙන් බණ්ඩාරවෙල පොලිසිය සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.