ශ්‍රී ලංකා තරගයට ක්‍රීඩා කළ අයර්ලන්ත ක්‍රීඩකයෙකුට කොරෝනා

ශ්‍රී ලංකාව සමඟ අද(23) පවතින තරගයට ක්‍රීඩා කරන අයර්ලන්ත ක්‍රිකට් ක්‍රීඩක ජෝර්ජ් ඩොක්‍රෙල් කොවිඩ් 19 පරීක්ෂාවකින් ධනාත්මක විය හැකි බවට හදුනා ගෙන ඇතැයි අයර්ලන්ත ක්‍රිකට් ආයතනය අද(23) නිවේදනය කළා.

ඔහු අද තරගයේ පන්දුවට පහරදීමේදී පන්දු 16කදී ලකුණු 14ක් රැස්කිරීමට සමත් විය.

එරට ක්‍රිකට් ආයතනය පවසන්නේ මේ වන විට ඔහු සම්බන්ධයෙන් කොවිඩ් 19 සෞඛ්‍ය මාර්ගෝපදේශවලට අනුව කටයුතු කරමින් සිටින බවයි.

වත්මන් නීති රීතිවලට අනුව කොවිඩ් 19 රෝගය සදහා වෛද්‍ය පරීක්ෂණයකින් ධනාත්මක ප්‍රතිපලයක් ලැබුණ ද ක්‍රීඩකයෙකුට ක්‍රීඩා කිරීමට හෝ පුහුණුවීම් සදහා එක්වීමට ඉන් බාධාවක් එල්ල වන්නේ නැනැ.