රූමත් තරුණියක් සිය දිවි නසා ගනී

මඩකලපුව, කල්ලඩි පාලම මතින් කලපුවට පැන සියදිවි නසාගත් තරුණියගේ සිරුර මේ වනවිට හමුව තිබේ.

මම ඛේදනීය පුවතත් සමඟ දින 23ක් තුළ තරුණියන් තිදෙනෙකු, අවුරුදු 75ක් වන වයෝවෘධ පුද්ගලයින් තිදෙනෙකු ඇතුළුව 16 දෙනෙකු දිස්ත්‍රික්කය තුළ සියදිවි නසාගෙන ඇතැයි මඩකපුව පොලීසිය පැවසීය.

දිස්ත්‍රික්කය තුළ දිගින් දිගටම සිදුවන මෙම සියදිවි නසාගැනීම් හේතුවෙන් ජනතාව දැඩි කම්පනයට සහ කනස්සල්ලට පත්ව සිටින බව ද පොලීසිය වැඩිදුරටත් සඳහන් කළේය.

අදාළ තරුණිය ඊයේ (23) රාත්‍රී 7.15ට පමණ පාලම මතින් කලපුවට පැන ඇති අතර, එම අවස්ථාවේ දී මසුන් අල්ලමින් සිටි ධීවරයින් පිරිසක් එය දැක තිබුණි.

ඒ අනුව ප්‍රදේශවාසීන් සහ පොලීසිය එක්ව තරුණිය සොයා මෙහෙයුමක් දියත් කර ඇති අතර, පසුව දියේ ගිලී සිටි තරුණියගේ සිරුර ගොඩ ගෙන මඩකලපුව ශික්ෂණ රෝහල වෙත ඇතුළත් කර තිබුණද ඒ වනවිටත් ඇය ජීවිතක්ෂයට පත්ව සිට ඇත.

අදාළ තරුණිය පසුගිය වසරේ උසස් පෙළ විභාගයට පෙනී සිටි අයෙකු බවත්, ප්‍රේම සම්බන්ධතාවක් හේතුවෙන් ඇය මෙලෙස සියදිවි නසාගෙන ඇති බවත් පොලීසියේ මූලික විමර්ශනවලදී අනාවරණය වී තිබේ. 

එලෙස මියගොස් ඇත්තේ, 20 හැවිරිදි ඉලංගෝ විදුෂාලිනි නම් තරුණියකි.

මඩකලපුව මූලස්ථාන පොලීසිය මේ සම්බන්ධයෙන් වැඩිදුර විමර්ශන සිදුකරයි.