ශ්රී ලංකා ක්රිකට් ආයතන නිලවරණය කඩිනමින් පැවැත්විය යුතු බව අද පැවති ජාත්යන්තර ක්රිකට් කවුන්සල සාමාජික රැස්වීමේදී අවධාරණය කර තිබේ.
නිවේදනයක් නිකුත් කරමින් සඳහන් කර ඇත්තේ, ශ්රී ලංකා ක්රිකට් නිලවරණය පවත්වනතුරු අයි.සී.සී. සාමාජික රැස්වීම් නියෝජනය කිරීමේ අවස්ථාව ශ්රී ලංකා ක්රිකට් ආයතනයට තාවකාලිකව අහිමිවන බවය.
ශ්රී ලංකා ක්රිකට් සභාපති ලෙස කටයුතු කළ ශම්මි සිල්වා මහතා පසුගිය මැයි මාසයේ සිය ධූරයෙන් ඉල්ලා අස්වීමත් සමඟ ක්රීඩා අමත්යවරයා විසින් ක්රිකට් පරිපාලනය සිදුකරගෙන යාම සඳහා පරිවර්තන කමිටුවක් පත්කිරීමට කටයුතු කළේය.
නමුත් එම පරිවර්තන කමිටුව පත්කිරීමෙන් අනතුරුව ජුනි මාසයේ පැවති ජාත්යන්තර ක්රිකට් කවුන්සලයේ සාමාජික රැස්වීම් නියෝජනය කිරීමට අවස්ථාව ශ්රී ලංකාවට අහිමිවිය.
ජුලි මාසයේ පැවති ජාත්යන්තර ක්රිකට් කවුන්සල සාමාජික රැස්වීමේදීද ශ්රී ලංකා ක්රිකට් ආයතනයේ තත්ත්වය පිළිබඳ සාකච්ඡා කර ඇත.
එම රැස්වීමේදී සාකච්ඡා කෙරුණු කරුණු සම්බන්ධයෙන් ජාත්යන්තර ක්රිකට් කවුන්සලය නිවේදනයක් නිකුත් කරමින් සඳහන් කර සිටියේ, සංශෝධිත ව්යවස්ථාවක් සම්මත කර ගැනීම සඳහා ශ්රී ලංකා ක්රිකට් ආයතනය ගෙන ඇති ප්රගතිය පිළිබඳ සතුටු වන බවය.
කෙසේ නමුත් නිලවරණය පවත්වනතුරු අයි.සී.සී. සාමාජික රැස්වීම් නියෝජනය කිරීමේ අවස්ථාව ශ්රී ලංකා ක්රිකට් ආයතනයට තාවකාලිකව අහිමිවන බව එම නිවේදනයේ වැඩිදුරටත් සඳහන්ය.
2022දී පොහොට්ටුවෙන් තෝරපු පළවෙනියා මම නෙමෙයි.. මම හතරවැනියා.. – හිටපු ජනපති රනිල් 
උණුසුම් කාලගුණය පිළිබඳ අවවාදාත්මක නිවේදනයක් 
නවගමුවේ වෙඩිතැබීමක් 
පාර්ලිමේන්තු මන්ත්රී අර්චුනා යළිත් යකා නටයි 
අගමැතිනිය යළි දිවයිනට 
කොළඹට සුබ ආරංචියක් 
සියලුම ගුරුවරුන්ට විශේෂ දැනුම්දීමක් 
දිවයින පුරා සිටින සියලුම පාසල් සිසුන්ට චීනයෙන් තෑග්ගක් 
සුරේෂ් සලේගේ පෙත්සමට එරෙහිව කාදිනල් හිමිගෙන් අතරමැදි පෙත්සමක් 
නාමල්ගෙන් ආණ්ඩුවට චෝදනා 
ශ්රී ලංකා රුපියලෙහි සුළු සෙලවීමක් 
මැදපෙරදිග යුද උණුසුම ඉහළට! ඉරානයෙන් තවත් සමුද්ර සන්ධියක් වැසීමේ සූදානමක්!