ශ්රී ලංකන් ගුවන් සේවයට එයාර්බස් ගුවන් යානා මිලදී ගැනීමේදී සිදුව ඇති බව කියන අක්රමිකතා සම්බන්ධයෙන් සිදු කරන මුදල් විශුද්ධිකරණ පරීක්ෂණයකට අදාළව, පාර්ලිමේන්තු මන්ත්රී නාමල් රාජපක්ෂ මහතා සැකකරුවෙකු ලෙස නම් කිරීමට නීතිපති දෙපාර්තමේන්තුව පියවර ගෙන තිබේ.
2013 වසරේ දී ශ්රී ලංකන් ගුවන් සේවයට එයාර්බස් ගුවන් යානා මිලදී ගැනීමේදී සිදුව ඇති බව කියන අක්රමිකතා සම්බන්ධයෙන් මුදල් විශුද්ධිකරණ චෝදනා යටතේ කොටුව මහෙස්ත්රාත් අධිකරණයේ පවතින නඩුවේ සැකකරුවෙකු ලෙස දැනට රක්ෂීත බන්ධනාගාර ගත කර සිටින ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා නම් කරන ලෙස නීතිපතිවරයා අපරාධ පරීක්ෂණ දෙපාර්තමේන්තුවට උපදෙස් දී තිබේ.
ඒ අනුව අපරාධ පරීක්ෂණ දෙපාර්තමේන්තුව ඉකුත් සිකුරාදා කොටුව මහෙස්ත්රාත් අධිකරණයට කරුණු වාර්තා කර ඇති බව වාර්තා වේ.
ප්රශ්නගත එයාර් බස් ගනුදෙනුව සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් සිදුකරනු ලබන විමර්ශනයකට අදාළව පසුගිය සැප්තැම්බර් 04 වැනිදා පාර්ලිමේන්තු මන්ත්රී නාමල් රාජපක්ෂ මහතා එම කොමිසම විසින් අත්අඩංගුවට ගෙන කොළඹ ප්රධාන මහෙස්ත්රාත් අධිකරණය ඉදිරිපත් කිරීමෙන් පසු එළඹෙන සැප්තැම්බර් 18 වනදා දක්වා රක්ෂිත බන්ධනාගාරගතකර තිබේ.
හිටපු සුපිරි ක්රීඩක අරවින්ද ද සිල්වාගේ මව අභාවප්රාප්ත වෙයි 
සනත් ජයසූරියට හිමි වූ නවතම සන්නාම තානාපති ධූරය 
රුමේෂ් තරංග හෙට දිවයිනට 
විමල්, ගම්මන්පිල සහ දිලිත් ඇතුළු පිරිසට එරෙහි අධිකරණයට අපහාස කිරීමේ චෝදනාව ගැන අභියාචනාධිකරණයෙන් තීරණයක් 
පුෂ්පීකා ද සිල්වාගේ රූ රැජිණ කිරුළ ඉවත්කළ සිද්ධියේ විත්තිකාරියන් නිදොස් කොට නිදහස් 
ශ්රී ලංකාවේ උපන් කැම්සිට නෝර්වේ රටේ ඉහළ පුටුවක් 
කාලගුණයෙන් අවවාදාත්මක නිවේදනයක් 
ගෙවල් නැති අයට සුබ ආරංචියක් 
සැප්තැම්බර් අග ඉන්ධන මිල සංශෝධනයක්? බලශක්ති ඇමතිගෙන් ඉඟියක් 
දයාසිරි ජයසේකරගෙන් ජාත්යන්තරයට පැමිණිල්ලක් 
පාසල් සිසුන්ට සුභ ආරංචියක් 
අදත් තද වැසි