පාසල් සිසුන් දෙදෙනෙක් දිය රකුසාට බිලි වෙයි

පයාගල මුහුදු තීරයේ දිය නාමින් සිටි පාසල් සිසුන් දෙදෙනෙකු දියේ ගිලී මියගොස් තිබෙනවා.

උපකාරක පන්ති යන බවට දෙමව්පියන්ට පවසා මුහුදේ දිය නෑමට මෙම සිසුන් ගොස් ඇති බවටයි හෙළිවී තිබෙන්නේ.

පයාගල වෙරළ තීරයට පැමිණි සිසුන් දෙදෙනා ඔවුන්ගේ යහලුවෙකු ද එම ස්ථානයට කැඳවාගෙන තිබෙනවා.

එහෙත් එම යහලුවා දිය නෑමට ගොස් නැති අතර අනෙක් දෙදෙනා දිය නාමින් සිටි අවස්ථාවේ එක්වරම ඔවුන් ගසාගෙන ගොස් අතුරුදන්ව තිබෙනවා.

ප්‍රදේශවාසීන් ඔවුන් බේරා ගැනීමට උත්සාහ දැරුව ද එම උත්සාහය ව්‍යර්ථ වුණා.

අතුරුදන් වූ සිසුන් දෙදෙනාගේ සිරුරු කළුතර කටුකුරුන්ද ප්‍රදේශයට අද (25) උදෑසන ගොඩගසා තිබූ අතර කළුතර අපරාධ පරීක්ෂණ නිලධාරීන් පැමිණ පරීක්ෂා කිරීම් සිදු කළා.

උපකාරක පන්ති යන පවසා එම සිසුන් දෙදෙනා නිවසෙන් ගොස් ඇති බවටයි මූලික පොලිස් පරීක්ෂණවලින් හෙළිවී තිබෙන්නේ.

15 හැවිරිදි වියේ පසුවූ ඔවුන් ගල්පාත සහ පානදුර ප්‍ර දේශවල පදිංචිකරුවන් බවටයි වාර්තා වුණේ.