හෙට දිවයිනේ සියලුම සුරාසැල් වැසේ

ලෝක අමාද්‍යප දිනය හෙටට (03) යෙදී තිබෙනවා.

ඒ හේතුවෙන් දිවයින පුරා පිහිටි සිල්ලරට මත්පැන් විකිණීම සඳහා වූ බලපත්‍ර ලත් සියලුම සුරාසැල් වසා තබන ලෙස සුරාබදු කොමසාරිස් ජනරාල්වරයා නියෝග කර තිබෙනවා.

මේ අතර මද්‍යසාර හා මත්ද්‍රව්‍ය තොරතුරු මධ්‍යස්ථානය(AIDC) සඳහන් කළේ මත්පැන් හේතුවෙන් වසරකට පුද්ගලයින් මිලියන තුනකට ආසන්න සංඛ්‍යාවක් අකාලයේ මිය යන බවයි.

මත්පැන් භාවිතය හේතුවෙන් මෙරට තුළ දෛනිකව අකල් මරණ 50ක් වාර්තා වන බව ADIC ආයතනය අවධාරණය කරන අතර වාර්ෂිකව සිදුවන අකල් මරණ සංඛ්‍යාව 15,000ත් 20,000ත් අතර අගයක් ගන්නා බවයි එම ආයතනය සඳහන් කළේ.