පාකිස්ථාන සුපර් ලීගයට ශ්‍රී ලංකා ක්‍රීඩකයන් 3ක් තෝරාගනී! කුසල් මෙන්ඩිස් ඉහළම මිලකට අලෙවි වෙයි!

HBL පකිස්ථාන සුපර් ලීග් (PSL) වෙන්දේසියේදී ශ්‍රී ලංකා ක්‍රිකට් ක්‍රීඩකයන් තිදෙනෙකු තෝරා ගෙන තිබේ.

කුසල් මෙන්ඩිස් පාකිස්ථානු රුපියල් කෝටි 4.2කට (ආසන්න වශයෙන් ශ්‍රී ලංකා රුපියල් මිලියන 47ක්) පෙෂාවර් සල්මි කණ්ඩායම විසින් ලබාගෙන තිබේ.

මෙම ගනුදෙනුව යටතේ ඔහු මෙම වසරේ වෙන්දේසියේදී වැඩිම මුදලක් ගෙවන ශ්‍රී ලාංකිකයා බවට පත්විය.

කුසල් පෙරේරා පාකිස්ථානු රුපියල් කෝටි 3.1කට (ආසන්න වශයෙන් ශ්‍රී ලංකා රුපියල් මිලියන 35ක්) HH කිංග්ස්මන් කණ්ඩායම විසින් මිලදී ගන්නා ලද අතර, දසුන් ශානක පාකිස්ථානු රුපියල් ලක්ෂ 75කට (ආසන්න වශයෙන් LKR මිලියන 8.4 ක්) ලාහෝර් කලන්ඩර්ස් විසින් මිලදී ගන්නා ලදී.