බළංගොඩ නගර සභාවේ බලය යළි මාලිමාවට

බලන්ගොඩ නගර සභාවේ නව සභාපතිවරයා ලෙස ජාතික ජනබලවේගයේ පේෂල නිකලන්ද මහතා වැඩි ඡන්දයෙන් තේරීපත් වුණා.

බලන්ගොඩ නගර සභාවේ නගරාධිපතිව සිටි ප්‍රේමදාස ගමගේ මහතා පෞද්ගික හේතුවක් මත පසුගියදා ඉල්ලා අස් වුණා.

සභාපති ධුරයෙන් ඉල්ලා අස්වූ ප්‍රේමදාස ගමගේ මහතා නව සභාපතිවරයාගේ නම යෝජනා කළා.

නව සභාපතිවරයා තෝරා පත් කර ගැනීමේ ඡන්දයේදී පේෂල නිකලන්ද මහතාට ඡන්ද 11ක් ලැබුණු අතර විරුද්ධව ලැබුණේ ඡන්ද 05ක් පමණයි.

පළාත් පාලන මැතිවරණයෙන් පසු සභාපතිවරයෙකු තෝරාපත් කර ගැනීමේ ඡන්ද විමසීමේදී ජාතික ජනබලවේගයේ අපේක්ෂකයාට සභාව තුළ ඡන්ද 08ක් ලැබුණු අතර මෙවර එය 11 දක්වා ඉහළ ගියා.