කොලොම්බියාවට දැවැන්ත භූමිකම්පාවක්! 20 කට වැඩි පිරිසක් මරුට!

බටහිර කොලොම්බියාව සහ ඊට මායිම් වූ කලාපයන් සලිත කරමින් රික්ටර් මාපක 7.4 ක ප්‍රබලත්වයෙන් යුතු භූමිකම්පාවක් සිදුවී ඇති බව ඇමෙරිකානු භූ විද්‍යා සමීක්ෂණ ආයතනය (USGS) තහවුරු කරනවා.

කොලොම්බියාවේ අගනුවර වන බොගෝටා සිට කිලෝමීටර් 400 ක් පමණ බටහිරින් පිහිටි ‘චොකෝ’ (Choco) කලාපයේ ‘සැන් හොසේ ඩෙල් පැල්මාර්’ (San Jose del Palmar) අසල මෙම භූමිකම්පාව සිදුව තිබෙනවා.

පොළොව මතුපිට සිට කිලෝමීටර් 107 ක් පමණ ගැඹුරින් මෙය හටගෙන ඇති අතර, සුනාමි තර්ජනයක් නොමැති බවයි ඇමෙරිකානු සුනාමි අනතුරු ඇඟවීමේ මධ්‍යස්ථානය නිවේදනය කර ඇත්තේ.

කෙසේවෙතත්, එම අනතුරින් පුද්ගලයින් 20 දෙනෙකු පමණ අවම වශයෙන් ජීවිතක්ෂයට පත්ව ඇති බවයි විදෙස් මාධ්‍ය වාර්තා කරන්නේ.