සිරියාවේ හිටපු ජනාධිපතිට මරණ දඬුවම

මානව වර්ගයාට එරෙහි අපරාධ සහ යුද අපරාධ සම්බන්ධයෙන් සිරියාවේ හිටපු ජනාධිපති බෂාර් අසාද් සහ ඔහුගේ බාල සහෝදරයාට මරණ දඬුවම නියම කිරීමට සිරියානු අධිකරණයක් තීන්දු කර තිබේ.

ලක්ෂ පහකට ආසන්න පිරිසකට ජීවිත අහිමි වූ වසර 14ක දීර්ඝ සිරියානු සිවිල් යුද්ධයේදී සිදුවූ දරුණු යුද අපරාධ සහ මානව වර්ගයාට එරෙහි අපරාධ සම්බන්ධයෙන් මොවුන්ට මෙම දඬුවම නියම කර ඇත. අසාද් සහ ඔහුගේ සොහොයුරා අධිකරණයේ පෙනී නොසිටි අවස්ථාවකදී නඩුව විභාගයට ගෙන මෙම තීන්දුව ප්‍රකාශයට පත් කර තිබේ.

2011 වසරේදී දාරා ප්‍රදේශයේ හටගත් විරෝධතා ලේවැකි ලෙස මර්දනය කිරීමට නායකත්වය දුන් අසාද්ගේ ඥාති සොහොයුරෙකු වන ආටෙෆ් නජීබ්ටද අධිකරණය මඟින් මරණ දඬුවම නියම කෙරිණි.

හිටපු ජනාධිපති බෂාර් අසාද් සහ ඔහුගේ සහෝදරයා රුසියාවට පලා ගොස් ඇති අතර, දැනට අත්අඩංගුවේ පසුවන ආටෙෆ් නජීබ් බන්ධනාගාර ඇඳුමින් සැරසී අධිකරණ කූඩුවේ සිටියදී මෙම තීන්දුව ප්‍රකාශයට පත් කර ඇත.