බැංකු පොලී අනුපාතික යළි ඉහළ යනවාද? මහ බැංකු අධිපතිගෙන් පැහැදිලි කිරීමක්

පසුගිය මැයි මාසයේදී සිදු කරන ලද අනපේක්ෂිත සහ සැලකිය යුතු පොලී අනුපාතික ඉහළ නැංවීමෙන් පසුව, මෙම වසර තුළ තවදුරටත් පොලී අනුපාතික ඉහළ නැංවීමේ අවශ්‍යතාවක් නොමැති බව ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ ප්‍රකාශ කර තිබෙනවා.

Reuters පුවත් සේවය සමඟ පැවති සම්මුඛ සාකච්ඡාවකදී ඔහු මේ බව සඳහන් කළ අතර, මැයි මස ගත් තීරණය හරහා අපේක්ෂිත පරිදි ආර්ථිකය හැඩගැසෙමින් පවතින බවයි ඔහු පෙන්වා දෙන්නේ.

ඉරාන යුද්ධය හේතුවෙන් බලශක්ති මිල ඉහළ යෑම නිසා ජූලි මාසයේදී උද්ධමනය 7.3% දක්වා වැඩි වූ නමුත්, ලබන වසරේ මුල් භාගය වන විට උද්ධමනය යළි 5%ක ඉලක්කගත මට්ටමට පත් වනු ඇතැයි මහ බැංකුව අපේක්ෂා කරනවා.

උද්ධමනය 7% දක්වා ඉහළ යනු ඇතැයි අපේක්ෂා කළ බැවින්, මැයි මාසයේදී පදනම් ලකුණු 100කින් පොලී අනුපාතිකය ඉහළ නැංවීම කඩිනම් සහ ක්‍රියාකාරී පියවරක් වූ බවද අධිපතිවරයා සඳහන් කරනවා.

ගෝලීය අභියෝග සහ බලශක්ති අර්බුද හමුවේ වුවද, මෙම වසරේ ශ්‍රී ලංකාවේ ආර්ථික වර්ධනය 4%ත් 5%ත් අතර අගයක් ගනු ඇති බවයි මහ බැංකුව පුරෝකථනය කරන්නේ.

එමෙන්ම, ඉහළ යන ඉන්ධන ආනයන පිරිවැය හමුවේ රටේ බාහිර ගිණුම් ආරක්ෂා කර ගැනීම සඳහා, මේ වසර අවසන් වන විට මහ බැංකුවේ දළ විදේශ විනිමය සංචිතය ඇමරිකානු ඩොලර් බිලියන 8ක් දක්වා ඉහළ නංවා ගැනීමට අපේක්ෂා කරන බවද හෙතෙම වැඩිදුරටත් ප්‍රකාශ කරම්නවා.