බොරැල්ල මැගසින් බන්ධනාගාරය තුළට මත්ද්රව්ය තොග වශයෙන් සපයන බව කියන බන්ධනාගාර නියාමකවරයෙකු රුපියල් ලක්ෂ විස්සකට අධික වටිනා මත්ද්රව්ය තොගයක් සමඟ අත්අඩංගුවට ගත් බව ගල්කිස්ස කොට්ඨාස අපරාධ විමර්ශන කාර්යාංශය පවසනවා.
දෙහිවල වෛද්ය පාරේ පදිංචි 32 හැවිරිදි පුද්ගලයකු මෙම මත්ද්රවය තොගය සමග ගල්කිස්ස ප්රදේශයේදී අත්අඩංගුවට ගැනීමෙන් අනතුරුව ඔහුගෙන් සිදුකළ ප්රශ්න කිරීමේදී ඔහු පවසා ඇත්තේ මැගසින් බන්ධනාගාරයේ සිර දඬුවම් විඳින පුද්ගලයකු වට්සැප් දුරකථන ඇමතුමක් ඔස්සේ ස්ථානය පිළිබඳ ලබා දුන් තොරතුරක් අනුව මෙම මත්ද්රව්ය පාර්සලය ලබාගත් බවයි
එම මත්ද්රව්ය පාර්සලය බොරැල්ල වනාත පාරේදී තවත් පුද්ගලයෙකුට ලබා දීමට නියමිත බවත් සැකකරුගෙන් අනාවරණ වූ අතර එම තොරතුරු අනුව ගල්කිස්ස කොට්ඨාස අපරාධ විමර්ශන කාර්යාංශයේ ස්ථානාධිපති ඇතුළු කණ්ඩායමක් එම පුද්ගලයාද අත්අඩංගුවට ගැනීමට රහස් සැලැස්මක් ක්රියාත්මක කර සිය නිලධාරින් ස්ථානගත කිරීමට පියවර ගෙන තිබුණා.
එහිදී බන්ධනාගාර ක්රීඩා ඇඳුමින් සැරසුණු පුද්ගලයෙකු අත්අඩංගුවට ගත් සැකකරු අසලට පැමිණ මත්ද්රව්ය අඩංගු පාර්සලය ලබා ගනිද්දී අවට රැක සිටි ස්ථානාධිපතිවරයා ප්රමුඛ නිලධාරීන් විසින් සැකකරු අත්අඩංගුවට ගත් බවයි පොලිසිය සඳහන් කරන්නේ.
අත්අඩංගුවට ගත් නියාමකවරයා ඉකුත් ජනවාරි මැගසින් බන්ධනාගාරයේ සේවයට පැමිණි අයෙකු බවත් ඊට පෙර වැලිකඩ බන්ධනාගාරයේ සේවයේ නිරතව සිට ඇති බවත් බන්ධනාගාර ආරංචි මාර්ග සඳහන් කරන්නේ.
මෙසේ අත්අඩංගුවට පත්ව ඇත්තේ 53 හැවිරිදි පුද්ගලයෙක් වන අතර ඔහු තංගල්ල බෙලිඅත්ත පදිංචි අවිවාහක පුද්ගලයෙක් බවයි වාර්තා වෙන්නේ.
නිදන් හාරන්න ගිය හතරක් කොටු 
රුපියල යළිත් නැගිටියි 
යෝෂිත CID යෙන් පිටව යයි 
මහානායක හිමිවරුන් ජනපතිට යැවූ ලිපිය සජබයෙන් ප්රසිද්ධ කරයි 
සුගීෂ්වරට අදත් ඇප නෑ 
නිවසක් ඉලක්ක කරමින් වෙඩි ප්රහාරයක් 
බැංකු පොලී අනුපාතික යළි ඉහළ යනවාද? මහ බැංකු අධිපතිගෙන් පැහැදිලි කිරීමක් 
ගුරුවරුන්ගේ ගැටලුවලට විසඳුම් ලැබෙන ලකුණු 
22 වැනි ව්යවස්ථා සංශෝධනය ගැන ශ්රී ලංකා නීතිඥ සංගමයෙන් නිවේදනයක් 
පාසල් සහ උපකාරක පන්ති සිසුන්ට ගංජා අලෙවි කළ පුද්ගලයෙක් කොටු වෙයි 
ශ්රී ලංකාවේ නව චීන තානාපති දිවයිනට