කුප්පි ලාම්පුව පෙරළී නිවස ගිනි ගනී

කුප්පි ලාම්පුවක් පෙරළී නිවසක මුළුතැන්ගෙයක් ගිනිගෙන විනාශ වී තිබේ.

අනුරාධපුර, යාපනය හංදිය ප්‍රදේශයේ නිවසක් එලෙස ගිනිගෙන ඇති අතර නිවසෙහි තිබූ සියලුම භාණ්ඩ ගිනිබත් වී තිබෙනවා.

මුළුතැන්ගෙය තුළ ගබඩා කර තිබූ පෙට්‍රල් බූලියක් මතට කුප්පි ලාම්පුව පෙරළීමෙන් ගින්න හටගෙන ඇති බව නිවෙස් හිමියන් පවසයි.

පසුව අනුරාධපුර මහ නගර සභාවේ ගිනි නිවීමේ ඒකකයේ නිලධාරීන් පැමිණ ගින්න නිවා දමා තිබේ.

කුඩා දරුවන් සිටින බැවින් හදිසි අවස්ථාවක දී ප්‍රයෝජනයට ගැනීම සඳහා තැන්පත් කර තිබූ පෙට්‍රල්වලට එලෙස ගිනි ඇවිළුණු බව නිවැසියන් පවසයි.