බොරතෙල් මිල වාර්තාගත ලෙස ඉහළට

ලෝක වෙළෙඳපොළේ බ්‍රෙන්ට් (Brent) බොරතෙල් බැරලයක මිල ඉකුත් මැයි මාසයෙන් පසුව ප්‍රථම වතාවට එක් අවස්ථාවකදී ඩොලර් 110 සීමාව පසුකර ඇත. පසුව එය තරමක් පහත බැස 3.7%ක වර්ධනයක් සහිතව ඩොලර් 109.86ක් ලෙස සටහන් විය.

අමෙරිකානු WTI බොරතෙල් මිල ද 3.5%කින් ඉහළ ගොස් බැරලයක් ඩොලර් 101.41ක් දක්වා ඉහළ ගිය අතර, මේ සතිය තුළ පමණක් WTI මිල 10%කට වඩා සහ බ්‍රෙන්ට් මිල 5%කට ආසන්න ප්‍රමාණයකින් ඉහළ ගොස් තිබේ.

හෝමූස් සමුද්‍ර සන්ධියේ ඉරාන ප්‍රහාර ඉහළ යාම, සෞදි අරාබියට එල්ල වූ හූති මිසයිල ප්‍රහාර සහ රුසියානු තෙල් පිරිපහදුවලට දිගින් දිගටම ප්‍රහාර එල්ල කරන බවට යුක්‍රේනය කළ ප්‍රකාශ හේතුවෙන් මෙලෙස ලෝක වෙළෙඳපොළේ තෙල් මිල ශීඝ්‍රයෙන් ඉහළ ගොස් ඇත.