දීගල සමන්ට අයත් කෝටි ගණනක නිවසක් තහනම් කරයි

මත්ද්‍රව්‍ය ජාවාරම් සම්බන්ධයෙන් දැනට බන්ධනාගාරගතව සිටින අජිත් පෙරේරා හෙවත් ‘දීගල සමන්’ නමැත්තාට අයත් රුපියල් කෝටි දෙකකට අධික වටිනාකමකින් යුත් සුඛෝපභෝගී නිවසක් තහනම් කිරීමට නීතිවිරෝධී වත්කම් විමර්ශන කොට්ඨාසය පියවර ගෙන ඇත.

අවිස්සාවේල, දෙහිඕවිට ප්‍රදේශයේ පිහිටි මෙම නිවස සැකකරු විසින් ඔහුගේ අනියම් බිරිඳකගේ නමට මිලදී ගෙන ඇති බව පොලිස් විමර්ශනවලදී අනාවරණය වී තිබේ.

අදාළ නිවස මිලදී ගැනීම සඳහා වැය කළ මුදල් උපයාගත් ආකාරය පිළිබඳව නිසි පැහැදිලි කිරීමක් කිරීමට සැකකරු අපොහොසත් වී ඇති අතර, පොලීසිය සැක කරන්නේ එම දේපළ මත්ද්‍රව්‍ය ජාවාරමෙන් උපයාගත් මුදල්වලින් අත්පත් කරගෙන ඇති බවයි.

ඒ අනුව විධිමත් විමර්ශනයකින් අනතුරුව නීතිවිරෝධී වත්කම් වැළැක්වීමේ පනත යටතේ මෙම දේපළ තහනම් කිරීමට පොලීසිය කටයුතු කර ඇත.