ඉන්දීය සුපිරි නළු විජේ තමිල්නාඩු ප්‍රාන්ත මැතිවරණයෙන් පෙරමුණ ගනී

තමිල්නාඩු ප්‍රාන්ත මැතිවරණයේ ඡන්ද ප්‍රතිඵල නිකුත් වෙමින් පවතින අතර, සුපිරි නළු විජේගේ නායකත්වයෙන් යුත් ‘තමිලග වෙට්‍රි කලගම්’ (TVK) පක්ෂය මෙතෙක් නිකුත් වූ ප්‍රතිඵල අනුව සුවිශේෂී පෙරමුණක් ගෙන තිබේ.

ආසන 234කින් සමන්විත තමිල්නාඩු ප්‍රාන්ත සභාවේ පළමු අදියරේ තැපැල් ඡන්ද ගණන් කිරීමේදී විජේගේ පක්ෂය කොට්ඨාස 107ක ජයග්‍රහණය තහවුරු කරගෙන ඇත.

තමිල්නාඩු ප්‍රාන්ත සභාවේ පාලන බලය ලබා ගැනීම සඳහා ඕනෑම පක්ෂයකට හෝ සන්ධානයකට අවම වශයෙන් ආසන 118ක බහුතරයක් අවශ්‍ය වේ. පසුගිය මැතිවරණයේදී ආසන 159ක් දිනාගත් DMK සන්ධානය මෙවර දැවැන්ත පසුබෑමකට ලක්ව ඇති බව මෙම ප්‍රතිඵල අනුව පෙනී යයි.

තමිල්නාඩු ප්‍රාන්ත මැතිවරණයේ ජයග්‍රහණය ඉන්දීය මධ්‍යම රජයේ ස්ථාවරයටද බලපාන අතර ඊට හේතුව වි ඇත්තේ තමිල්නාඩුව ඉන්දියාවේ දෙවන විශාලතම ආර්ථිකය හිමි ප්‍රාන්තය වීමයි.

මෙම තමිල්නාඩු ප්‍රාන්ත මැතිවරණය ඉන්දීය මධ්‍යම රජයට මෙන්ම ශ්‍රී ලාංකීය දෙමළ ජනතාවගේ ගැටලු සම්බන්ධව තීරණාත්මක සාධයක් ද වී තිබේ.