සෝමපාල ලීලානන්ද මහතා අභාවප්‍රාප්ත වෙයි‍

ප්‍රවීණ ගේය පද රචකයකු, චිත්‍රපට තිර පිටපත් රචකයකු හා අධ්‍යක්ෂවරයෙකු වූ සෝමපාල ලීලානන්ද මහතා අභාවප්‍රාප්ත වී තිබේ. මිය යන විට ඒ මහතා 82 වන වියේ පසු විය.

1970 දශකයේදී සිනමාවට පිවිසි ඒ මහතා ‘චන්ඩි පුතා’, ‘ආත්මා’, ‘බඹර පැටික්කී’ වැනි අතිශය ජනප්‍රිය චිත්‍රපට අධ්‍යක්ෂණය කර ඇති අතර, “අම්මලා දුක් ගන්නේ පුතුන් හදන්ටා”, “පාට පොදක් තිලකලා නළල් තලාවේ”, “බඹරා වගේ මට තවම විසේ”, “කැන්දන් යන්නම් රන්මල් මාලා දාලා” ඇතුළු අමරණීය ගීත රැසක් රචනා කර ඇත.

පොල්ගස්ඕවිට, පාලගම පිහිටි ඒ මහතාගේ නිවෙසේ තැන්පත් කර ඇති දේහය පිළිබඳ අවසන් කටයුතු හෙට (සිකුරාදා – ඔක්තෝබර් 16) සවස බොරැල්ල කනත්තේදී සිදු කිරීමට නියමිතය.