දැදුරු ඔය ගංවතුර මට්ටමට ළංවෙයි

දැදුරුඔයේ වාන් දොරටු විවෘත කිරීම හේතුවෙන් වාරියපොල, නිකවැරටිය, මහව, කොබෙයිගනේ, බිංගිරිය, පල්ලම, හලාවත, ආරච්චිකට්ටුව සහ රස්නායකපුර යන ප්‍රා. ලේ කොට්ඨාශවලට අයත් ගංගා නිම්නයේ පහත්බිම්වලට ගංවතුර තත්ත්වයක් ඇති වීමේ අවදානමක්

දිවයිනේ ප්‍රදේශ රැසකට ඇදහැලෙන වර්ෂාව හේතුවෙන් දැදුරුඔය ජලාශයේ තවත් වාන් දොරටු දෙකක් විවෘත කර තිබෙනවා.

ඒ අනුව, එම ජලාශයේ වාන් දොරටු 08ක් මේ වනවිට විවෘත කර ඇති අතර, ඉන් තත්පරයට ඝන අඩි 16, 500ක ජල ධාරීතාවයක් නිකුත් කෙරෙන බවයි වාරිමාර්ග දෙපාර්තමේන්තුව සඳහන් කළේ.

මේ හේතුවෙන් වාරියපොල, නිකවැරටිය, මහව, කොබෙයිගනේ, බිංගිරිය, පල්ලම, හලාවත, ආරච්චිකට්ටුව සහ රස්නායකපුර යන ප්‍රා. ලේ කොට්ඨාශවලට අයත් ගංගා නිම්නයේ පහත්බිම්වලට ගංවතුර තත්ත්වයක් ඇති වීමේ අවදානමක් පවතින බව එම දෙපාර්තමේන්තුව පවසනවා.

ජලාශයේ පහළ ප්‍රදේශයේ පදිංචි ජනතාව ඒ සම්බන්ධයෙන් අවධානයෙන් පසුවන ලෙස ද දැනුම් දෙනවා.

එමෙන්ම, රාජාංගනය ජලාශයේද වාන් දොරටු 8ක් විවෘත කර ඇති අතර ඉන් තත්පරයට ඝන අඩි 7,884ක ජල ධාරිතාවක් කලා ඔයට මුදා හැරෙනවා.