මහේලට ශ්‍රී ලංකා ක්‍රිකට් කණ්ඩායමේ නව වගකීමක්

එළඹෙන ලෝක කුසලාන T20 තරගාවලියේදී මහේල ජයවර්ධන ශ්‍රී ලංකා කණ්ඩායම සමග එක්වන බව ශ්‍රී ලංකා ක්‍රිකට් ආයතනය පවසනවා.

එහි ප්‍රධාන විධායක නිලධාරී ඈෂ්ලි ද සිල්වා මේබව කියාසිටියේ දැන් පැවැත්වෙන මාධ්‍ය හමුවකට එක්වෙමින්.

මෙවර තරගාවලියේදී උපදේශකවරයෙකු ලෙසට මහේල ජයවර්ධන ශ්‍රී ලංකා කණ්ඩායම සමග
එක්වන්නේදැයි මාධ්‍යවේදීන් යොමු කළ ප්‍රශ්නයකට පිළිතුරු දෙමින් ඔහු මේබව සඳහන් කළා.

ශ්‍රී ලංකා කණ්ඩායම දෙවනදා දිවයිනෙන් පිටත්ව යන අතර මහේල ජයවර්ධන 6 වනදා කණ්ඩායම
සමග එක්වනු ඇති බවයි ඔහු කියාසිටියේ.

ශ්‍රී ලංකා කණ්ඩායම දක්ෂතා අතරට පැමිණීමට හේතුවක් ලෙසට ද මහේල ජයවර්ධන පෙන්වා දිය
හැකි බවයි ඈෂ්ල් ද සිල්වා ප්‍රකාශ කළා.