ශිෂ්‍යත්ව විභාගය පැවැත්වෙන ක්‍රමවේදයේ වෙනසක්

මෙවර ශිෂ්‍යත්ව විභාගය පැවැත්වීමේ ක්‍රමවේදයේ වෙනසක් සිදු කර ඇති බව විභාග
කොම්සාරිස් ජනරාල් එල්.එම්.ඩී.ධර්මසේන නිවේදනයක් නිකුත් කරමින් කියා සිටිනවා. 
 
ඒ අනුව මෙවර ශිෂ්‍යත්ව විභාගයේ II වැනි ප්‍රශ්න පත්‍රය පළමුවත්, I වැනි ප්‍රශ්න
පත්‍රය දෙවනුවත් ලබා දීමටයි විභාග දෙපාර්තමේන්තුව තීරණය කර ඇත්තේ. 
 
පහ ශ්‍රේණිය ශිෂ්‍යත්ව විභාගයේ පසුගිය වර්ෂවල කාලසටහන සම්බන්ධයෙන් පුළුල්ව
අධ්‍යනය කර මෙම තීරණයට එළඹි බවයි අදාල නිවේදනය හරහා විභාග කොමසාරිස්වරයා ප්‍රකාශ කරන්නේ. 
 
මෙවර ශිෂ්‍යත්ව විභාගය එළඹෙන දෙසැම්බර් මස 18 වැනිදා පැවැත් වීමට විභාග
දෙපාර්තමේන්තුව විසින් සැලසු කර ඇති ඇත.

එහි II වැනි ප්‍රශ්න පත්‍රය (බහුවරණ හා
කෙටි පිළිතුරු සැපයීමේ ප්‍රශ්න 60කි) පෙරවරු 9.30 සිට පෙරවරු 10.45 දක්වා පැය 1යි
මිනිත්තු 45ක් ද, I වැනි ප්‍රශ්න පත්‍රය (වරණ තුනකින් සම්විත බහුවරණ ප්‍රශ්න
40කි) පෙරවරු 11.15 සිට දහවල් 12.15 දක්වා පැය එකක කාලයක් පැවැත් වීමටයි විභාග
දෙපාර්තමේන්තුව තීරණය කර ඇත්තේ.