වෘෂභ – ව්යාපාර කටයුතු දියුණුවට
ආර්ථිකය – වෘෂභ ලග්න හිමි ඔබට ධන කාරක ගුරු 2 වැන්නේත්, යෝගකාරක සෙනසුරු 11වැන්නේත් ගමන් ගන්නා මෙම වර්ෂය ධනය අතින් ඉතාම සුබදායක වර්ෂයකි. කලකට පසු එළඹී මෙම වර්ෂයෙන් ඔබ උපරීම ප්රයෝජන ලබා ගත යුතුය. මෙම වර්ෂයේ ඔබ නිසරු ඉඩමක් වගා කළද එයින්ද හොඳ අස්වැන්නක් ලබා ගත හැකිය. පොළොව ආශ්රීත කටයුතුවලින් ඉහළ ආදායම් ලැබේ. නිවාස ඉඩකඩම් දේපළ ආදිය ඔබට ලාභදායී ලෙස මිලදී ගැනීමටත්, වාසිදායක ලෙස විකුණා ගැනීමටත් හැකිවේ. ව්යාපාර කටයුතුද බෙහෙවින් දියුණුවේ. හදිසි ධන ලාභ ආදිය හිමි වේ. ආයෝජනවලට ඉතාම සුදුසු වර්ෂයකි.
රැකියාව – මෙම වර්ෂයේ ඔබේ රැකියා කටයුතුද බෙහෙවින් දියුණුවට පත් වේ. රැකියාවෙන් ලැබෙන ආදායම් වර්ධනය වේ. රැකියා ස්ථානයේ ආයතන ප්රධානීන්ගේ ප්රසාදය හිමි වේ. රැකියා උසස්වීම් තනතුරු ආදිය හිමි වේ. රැකියා කටයුතු සම්බන්ධ ඇවිදිලි තරමක් වැඩි වන අතර රැකියා වෙනස් කිරීමට ඔබට සිත් පහළ විය හැකි බැවින් එවන් අවස්ථාවලදී ඉතාමත් නිවැරදිව තීරණ ගන්න. රැකියා අපේක්ෂිත අයගේ බලාපොරොත්තු ඉටු වේ. විශේෂයෙන් විදේශ රැකියා බලාපොරොත්තු ඉටු වේ.
ගෘහ ජීවිතය – මෙම වර්ෂයේ ඔබේ ගෘහ ජීවිතය ඉතා වාසනාවන්ත වේ. විවාහකයින්ගේ විවාහ ජීවිතයේ සැප, සතුට වර්ධනය වේ. පවුල් ජීවිතය තුළ ආදරය, සතුට, සමගිය දෝර ගලා යයි. දරුපල අපේක්ෂාවන්ද ඉටුවේ. අවිවාහකයින්ට මංගල යෝග උදා වේ.
අධ්යාපනය – අධ්යාපන කටයුතුවල නියැළි සිටින වෘෂභ ලග්න හිමි ඔබට මෙම වර්ෂය ඉතාම සුබදායකයි. ඔබේ අධ්යාපන කටයුතුවලට අවශ්ය පහසුකම් ලැබෙන අතර මතක ශක්තිය හා අවබෝධ ශක්තිය වර්ධනය වේ. තරග විභාග ආදියෙන් පහසුවෙන් ජයග්රහණය ලැබිය හැකි වේ.
සෞඛ්යය – ශරීර සෞඛ්යය සහ ශරීර ශක්තිය තරමක් දුර්වල විය හැකි අතර පපුව ආශ්රිත රෝගවලින් ප්රවේශම් විය යුතුය. රුධිරය සම්බන්ධ රෝග ඇති අය වඩා ප්රවේශම් විය යුතු අතර දණහිසෙන් පහළ කොටසේ ආබාධ ඇතිවීමට ඉඩ ඇත.
සිළුමිණ පුවත්පත ඇසුරෙන්….

වෛද්ය විද්යාවේ නව පෙරළියක්! පිළිකා රෝගීන්ට සුබ ආරංචියක්!
දෙවුන්දර දේවාලයේ වැඩබලන බස්නායක නිලමේ ධුරය සම්පත් කිරිගේට
රටම කැළඹූ අනුරාධපුර පූජාභූමි සංවර්ධන වැඩසටහන ගැන වැඩබලන අටමස්ථානාධිපති හිමි කළ ඉල්ලීම
බියකින් හෝ අවිශ්වාසයකින් තොරව ලංකාවේ ආයෝජනය කරන්න! අශෝක රන්වල ජපන් බසින් විදේශ ආයෝජකයන්ට කළ ඇරයුම!
ප්රදේශ කිහිපයකට ගිගුරුම් සහිත වැසි
රාජ්ය සේවක වැටුප් සඳහා වසරකට රුපියල් බිලියන 900ක්
නකල්ස් ප්රදේශයෙන් හමුවූ 15 හැවිරිදි දැරිය සහ බිළිදා ගැන කාන්තා කටයුතු අමාත්යවරියගෙන් ප්රකාශයක්
පළමු ශ්රේණියට දරුවන් ඇතුළත් කිරීම පහත වැටෙයි
ලංකාවේ සෑම පස්දෙනෙකුගෙන් එක් අයෙකුටම පවතින රෝගයක් ගැන අනාවරණයක්
අද දවසේ කාලගුණයේ සිදුවන වෙනස
සෞඛ්ය අමාත්යාංශයේ 223 දෙනෙකුට නව පත්වීම්! වෛද්යවරුන් 1,600ක් මේ මාසය අවසන් වීමට පෙර බඳවා ගැනේ!
රයිස් සහ කොත්තු සහ කෙටි කෑමවල මිල ඉහළට