සිංහල හා හින්දු අලුත් අවුරුදු ලග්න පලාපල – කන්‍යා ලග්නය

කන්‍යා – වෘත්තීය කටයුතුවලින් ආදායම්

ආර්ථිකය – මෙම වර්ෂයේ ඔබේ ආර්ථිකය පවතින්නේ මධ්‍යස්ථ මට්ටමකයි. ඔබට තදබල ආර්ථික පීඩාවක් ද ඇති නොවන අතර ඔබ කරන වෘත්තීමය කටයුතු හෝ ව්‍යාපාර කටයුතුවලින් ඔබට බලාපොරොත්තු වන ආදායම් ලැබීමට පුළුවන. එහෙත් ඒ සඳහා බොහෝ වෙහෙස මහන්සි වීමට සිදුවන අතර ඔබ ඔබට ලැබෙන ආදායම් කවර හෝ අනපේක්ෂිත හේතුවලට වියදම් වන බවක්ද පෙනෙන්නට තිබේ.

රැකියාව – මෙම වර්ෂයේ ඔබේ රැකීරක්ෂා කටයුතුවල විශේෂ දියුණුවක් ඇතිවෙයි. රැකියා කටයුතු සම්බන්ධව පැවති සතුරු පීඩා දුරු වන අතර රැකියා උසස් වීම් ආදිය බලාපොරොත්තුව සිටි අයට ඒවා හිමි වේ. නව රැකියා අපේක්ෂාවෙන් සිටි අයගේ රැකියා බලාපොරොත්තු ඉටු වන අතර ව්‍යාපාර කටයුතුද සාර්ථකව ඉටුකර ගැනීමට හැකි වේ.

ගෘහ ජීවිතය – මෙම වර්ෂයේ ඔබට ඉතා හොඳින් කම් සැප විඳීමට අවස්ථාව ලැබෙයි. එහෙත් සෙනසුරු 7 වැන්නේ ගමන් කරන නිසා ඔබ එහිදී ඉතා ප්‍රවේශම් විය යුතුය. කම් සැප වැරදි ආකාරයෙන් විඳීමට යාමෙන් ඔබට ඒ වෙනුවෙන් දඬුවම් විඳීමට සිදු විය හැකිය. එම නිසා පවුලේ අය සමඟ ඉතා විශ්වාසදායීව කටයුතු කළ යුතු අතර පවුල් ජීවිතය සතුටින් හා සමාදානයෙන් පවත්වාගෙන යාමට නම් ඔබ තුළ ඉවසීම පවත්වා ගැනීම ඉතා වැදගත්.

අධ්‍යාපනය – මෙම වර්ෂයේ ඔබේ ඥාන ශක්තිය හොඳින් පවතින නමුදු අධ්‍යාපන කටයුතු සම්බන්ධයෙන් අලස, උදාසීන ගති ඇතිවිය හැකි බැවින් එම ගති දුරලා ධෛර්යමත්ව කැපවීමෙන් කටයුතු කළ යුතු වේ. එසේ නොවුණහොත් අධ්‍යාපනයට බාධා මතුවිය හැකි අතර ඔබේ උත්සාහය තුළින් අධ්‍යාපනයෙන් සාර්ථක ප්‍රතිඵල නෙළාගත හැකි වසරකි.

සෞඛ්‍යය – සමස්තයක් වශයෙන් ගත් කල මෙම වර්ෂයේ පෙරට වඩා ඔබේ ශරීර සෞඛ්‍යය තත්ත්වය යහපත් වේ. මෙතෙක් පැවති අසනීප සුව වේ. එහෙත් දත් රෝග, ලිංගාශ්‍රිත රෝග, උණ වැනි රෝග තාවකාලිකව ඇති විය හැකිය. මෙම රෝග ඔබේ විවාහ සහකරුට ඇතිවීමටද ඉඩ තිබේ.

මේෂ ලග්නය

වෘෂභ ලග්නය

මිථුන ලග්නය

කටක ලග්නය

සිංහ ලග්නය

කන්‍යා ලග්නය

තුලා ලග්නය

වෘශ්චික ලග්නය

ධනු ලග්නය

මකර ලග්නය

කුම්භ ලග්නය

මීන ලග්නය

සිළුමිණ පුවත්පත ඇසුරෙන්….