එක්දින සේවාවෙන් නිකුත් කරන පාස්පෝට් ප්‍රමාණය ඉහළ දැමීමට නව සැලසුමක්

එක්දින සේවාව යටතේ දෛනිකව නිකුත් කරන විදෙස් ගමන් බලපත්‍ර සංඛ්‍යාව ඉහළ දැමීමට ආගමන විගමන දෙපාර්තමේන්තුව තීරණය කර තිබෙනවා.

සාමාන්‍යයෙන් දෛනිකව එක්දින සේවාව යටතේ ආගමන විගමන දෙපාර්තමේන්තුවෙන් නිකුත් කෙරෙන විදෙස් ගමන් බලපත්‍ර ප්‍රමාණය දෙදහසක් පමණ වනවා. එම ප්‍රමාණය 3,500 ක් දක්වා ඉහළ දැමීමටයි මේවනවිට තීරණය වී ඇත්තේ.

ඒ සදහා ආගමන විගමන දෙපාර්තමේන්තුවේ කාර්ය මණ්ඩලය සේවා මුර දෙකක් යටතේ කැඳවීමට ද තීරණය කර තිබෙනවා. ඒ අනුව උදෑසන 7 සිට පස්වරු 2 දක්වා සහ පස්වරු 2 සිට රාත්‍රී 10 දක්වා මෙම සේවාමුර 02 ක්‍රියාත්මකයි. 

මේ අතර විදෙස් ගමන් බලපත්‍ර නිකුත් කිරීම ලබන වසරේ සිට සියලු දිස්ත්‍රික් ලේකම් කාර්යාල හරහාද සිදුකිරීමට තීරණය කර තිබෙනවා.