සනත්ගෙන් නාමල් රාජපක්ෂට දැඩි වාග් ප්‍රහාරයක්

සුපිරි ක්‍රිකට් ක්‍රීඩක සනත් ජයසූරිය, සරදම්කාරී ට්වීටර් පණිවිඩයක් තබා තිබේ.

ඔහුගේ සරදමට ලක්වන්නේ හිටපු ක්‍රීඩා අමාත්‍යවරයා වන නාමල් රාජපක්ෂයි.

පෙරේදා(18) දිනයේ දී බලශක්ති අමාත්‍යංශයේ පැවති මාධ්‍ය හමුවක් සදහා කාන්චන විජේසේකර අමාත්‍යවරයා සමග පාර්ලිමේන්තු මන්ත්‍රී නාමල් රාජපක්ෂ වාඩි වී සිටි අවස්ථාවට අදාල ඡායාරූපයක් පළ කරමින් ඔහු පහත දැක්වෙන ට්වීටර් පණිවිඩය නිකුත් කර තිබේ.

“දිගින් දිගටම අසාර්ථක වූ ක්‍රීඩකයෙකු කණ්ඩායමෙන් ඉවත් කළ විට, යළි යළිත් කණ්ඩායම් රැස්වීම් සදහා සහභාගී වෙමින් අළුත් නායකයා අපහසුතාවයට පත් කරනවා වෙනුවට, එම ක්‍රීඩකයා වෙනත් ක්‍රීඩාවකට යොමු විය යුතුයි..!”