ආසියාව දිනූ අපේ වීරයෝ පිළිගන්න ඔබටත් ආරාධනා

ක්‍රිකට් සහ දැල්පන්දු ආසියානු ශූරතාව දිනූ ශ්‍රී ලංකා ජාතික කණ්ඩායම් හෙට (13) උදෑසන දිවයිනට පැමිණීමට නියමිතව ඇත.

ඔවුන් බණ්ඩාරනායක ජාත්‍යන්තර ගුවන්තොටුපොළේ සිට කොළඹ දක්වා පැමිණීමට නියමිත යි.

ආසියානු ශූරතා දිනූ ක්‍රිකට් හා දැල්පන්දු ක්‍රීඩක ක්‍රීඩිකාවන් හරසරින්
පිළිගැනීමට කටුනායක ගුවන්තොටුපොළේ සිට කොළඹ දක්වා වීදි දිගේ පෙළ ගැසෙන්නැයි ජනාධිපති මාධ්‍ය ඒකකය නිකුත් කළ නිවේදනයේ සඳහන්.

ආසියානු කුසලානය දිනූ ශ්‍රී ලංකා ක්‍රිකට් කණ්ඩායම පාකිස්තානය පරාජය කළ අතර, දැල්පන්දු කණ්ඩායම හමුවේ පරාජය වුණේ සිංගප්පූරුව යි.