ණය ප්‍රතිව්‍යහුගත කිරීමේ ක්‍රියාවලියට සමගාමීව පැවැත්වුණු සාකච්ඡාවලදී සියලු ණයහිමියන් ශ්‍රී ලංකාවට සහාය දැක්වීමට කැමැත්ත පළකළ බව ශ්‍රී ලංකා මහ බැංකු අධිපති, ආචාර්ය නන්දලාල් වීරසිංහ අද (25) අනාවරණ කළේය.
ඒ, ශ්‍රී ලංකා ප්‍රතිපත්ති අධ්‍යයන ආයතනයේ පැවැති සම්මන්ත්‍රණයකදීය.
ශ්‍රී ලංකා ප්‍රතිපත්ති අධ්‍යයන ආයතනය විසින් සංවිධානය කරනු ලැබු ශ්‍රී ලංකාවේ ආර්ථිකය පිළිබඳව සම්මන්ත්‍රණය පැවැත්වුණේ ශ්‍රී ලංකා මහ බැංකු අධිපති ආචාර්ය නන්දලාල් වීරසිංහගේ ප්‍රධානත්වයෙනි.
එහිදී අදහස් දැක්වූ ශ්‍රී ලංකා මහ බැංකු අධිපති, ආචාර්ය නන්දලාල් වීරසිංහ,
“ප්‍රශ්නය වන්නේ අපට කෙතරම් ඉක්මනින් ආර්ථිකය ප්‍රකෘතිමත්වීමේ මාවතට අවතීරණ කොට, අහිමි වූ ඵලදායිතාව ගොඩනැගිය හැකිද යන්නයි. ඒ සියල්ල රඳාපවතින්නේ වැදගත් යැයි හඳුනාගැනුණු ප්‍රතිසංස්කරණ බලධාරීන් විසින් කෙතරම් සාර්ථකව ක්‍රියාවට නංවන්නේද යන්න මතයි.
ඒ සියල්ල එකවර ක්‍රියාවට නැංවීමකින් තොරව, ආර්ථිකය ස්ථාවරකොට ඉදිරියට ගෙනයාම සඳහා තවත් දෙවැනි අවස්ථාවක් උදානොවේවි.
ජාත්‍යන්තර මූල්‍ය අරමුදලෙන්, ලෝක බැංකුවෙන් සහ ආසියානු සංවර්ධන බැංකුවෙන් යම් අරමුදල් අපට ලබාගත හැකිවුවත් එය තාවකාලික සහනයක් පමණයි. වඩාත් වැදගත් ප්‍රතිසංස්කරණ ක්‍රියාත්මක නොකළහොත් අප නැවතත් එම චක්‍රයටම පිවිසීම වැළැක්විය නොහැකියි.
මේ සම්බන්ධයෙන් ජනතාව, දේශපාලනඥයින් සහ නොයෙක් ක්ෂේත්‍රවලින් එල්ලවන විරෝධය අපට වටහාගත හැකියි. අපට මේ තත්ත්වයට මුහුණදීමට වෙනත් විකල්පයක් නොතිබුණාද යන්න ඇතැමුන් ප්‍රශ්න කරනවා. එය වැදගත් ප්‍රශ්නයක්. අප වැරදි මඟක ගමන් කරනවාද? IMF වෙත ගිය එක වැරදි ද?.. යන්න හඬ නඟන පිරිසකුත් දැකිය හැකියි.
එය අර්බුදයෙන් ගොඩආ හැකි එකම මඟ ද?. කියා ඔවුන් ප්‍රශ්න කරනවා. මම අගය කරනවා එලෙස මෙය යායුතු නියම මඟ නොවන බවට තර්ක කරන අය ගැන. එහෙත් ඒ සඳහා විකල්ප ක්‍රියාමාර්ග ඉදිරිපත් කරන ලෙස මා ඔවුන් දිරිගන්වනවා.
විවේචනය කිරීම පහසුවුවත්.. මෙය වේදනාකාරී වුවත් අපට ආර්ථිකය ප්‍රකෘතිමත් කර ස්ථාවර කිරීම සඳහා විකල්ප වැඩපිළිවෙලක් ඉදිරිපත් කිරීම පහසු කරුණක් නෙවෙයි. ණය ප්‍රතිව්‍යුහගත කිරීමේ ක්‍රියාවලිය පිළිබඳව මට විශ්වාසයක් පවතිනවා.
අප පැවැත්වූ සාකච්ඡාවලදී අපේ සියලු ණයහිමියන් ශ්‍රී ලංකාවට සාහාය දැක්වීමට කැමැත්ත පළකර තිබෙනවා. සෑම ණයහිමියෙක්ම පැහැදිලිව ප්‍රකාශ කළ කරුණක් තමයි ඔවුන් මෙරට බැංකු පද්ධතියේ අර්බුදයක් ඇතිවනු දැකීම අපේක්ෂා නොකරන බව.
ඉදිරියේදී හෝ ණය හිමියන්ට ඔවුන්ගේ ණය නැවත අයකර ගැනීම සඳහා මෙරට ශක්තිමත් බැංකු පද්ධතියක් පැවැතිය යුතුයි.”
-අරුණ-
ගසක අත්තක් වැදී 13 හැවිරිදි දරුවෙකුට දිවි අහිමි වෙයි 
කථානායකට එරෙහිව විශ්වාසභංගයක්! 
පළාත් රැසක වැසි තත්ත්වයේ උත්සන්න වීමක් 
මෙරටට පැමිණි ඉන්ධන නැවක් ආපසු හැරී යයි 
ෆේස්බුක්, වට්ස්ඇප් සහ ඉන්ස්ටග්රෑම් යෙදුම්හි බිඳවැටීමක් 
මාර්ගගත ක්රමවේදයට දුම්රිය ආසන වෙන්කිරීමේදී සිදු කරන වංචාවක් පිළිබඳව පැමිණිල්ලක් 
අත්හිටුවා තිබූ ජපාන ව්යාපෘති යළි ඇරඹෙයි 
රිළා ප්රශ්නයට හිටපු ඇමතිගෙන් විසඳුමක් 
අස්වැසුම ප්රතිලාභීන්ට විශේෂ දැනුම්දීමක් 
වැඩි මිලට සහල් විකිණූ 50කට නඩු 
මහින්දගේ ආරක්ෂකයෝ 116ක් ඉවත් කරයි 
ෆයිසර් මුස්තාපාගේ නම ගැසට් කෙරේ