2026 වසරේ ලග්න පලාපල – මීන ලග්නය

4 months ago

එළැඹෙන 2026 වසර ඔබට කොහොම වෙයිද? ලග්න අනුව පලාපල විස්තරය සිළුමිණ පුවත්පත මගින් පළ කර තිබුනේ මෙසේය.

මීන – විභාග ජය

ගෘහ ජීවිතය – ඔබගේ කර්මස්ථානය වන 10 වැන්නේ චතුර් ග්‍රහ බලයක් නිර්මාණය වී තිබීම ඉතාම සුබදායක වේ. කර්මස්ථානය බලවත් වීම බොහෝ අපල අවම කරයි. ඒරාෂ්ටකයක් පැවතියද ඔබ කිසි දෙයක් අතපසු නොකර අදාළ දේ කරගැනීමට පසුබට නොවේ. සිව්වැන්නේ ගුරු යහපත් ජීවිතයකට ඔබව හුරු කරවයි.

රැකියාව – රැකියා කරක සෙනසුරු ලග්නයේම සිට 10 වැන්න දැකීම සුබය. ඔබ රැකියාවක් නොමැති අයෙක්නම් ඔබට නව රැකියා ලැබේ. දැනට කරන කියන වෘත්තීන් තුළින් වැටුප් වැඩිවීම් උසස්වීම් රාජ්‍ය අංශවල සහයෝග හිමිවේ. වගා කටයුතුවල ලාභ ලැබිය හැකිය.

අධ්‍යාපනය – ඔබගේ ක්ෂේත්‍රයේ 3, 4, 5 යන රාශිවල අධිපතින්ගේ තත්ත්වය මත අභියෝගාත්මක විභාග ජයග්‍රහණ කරන්නට හැකි දැනුම බුද්ධිය වර්ධනය වන 2026 වසර අධ්‍යාපනයට හොඳ තෝතැන්නකි.

සෙනසුරු අපලය වෙනුවෙන් නිල් මල් සහිත බෝධි පූජා, කුසගින්නේ සිටින අයට ආහාරපාන, සිවුපාවන්ට, පක්ෂීන්ට ආහාරපාන ලබා දෙන්න. උපාසක අයට ගිලන්පස දීම, ස්වාමීන් වහන්සේට කැඳ වර්ග සකසා දීම ආදියෙන් සහ පිරිත් කීමෙන් අපල දුරුවේ.

(ප්‍රවීණ ජ්‍යොතිර්වේදිනී ශ්‍රියා ගනේගොඩ – සිළුමිණ)