යෝෂිතගේ නඩුවක් කැඳවීමට දින දෙයි

මුදල් විශුද්ධිකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂගේ පුත් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට එරෙහිව ඉදිරිපත් කර තිබෙන නඩුවක් පූර්ව නඩු විභාග සම්මන්ත්‍රණය සඳහා නොවැම්බර් මස 03 වැනිදා කැඳවන ලෙස කොළඹ මහාධිකරණය අද (28) නියම කළේය.

විත්තිකරුවන්ගේ පෙනී සිටීම: නඩුව කැඳවූ අවස්ථාවේදී පළමු විත්තිකාර යෝෂිත රාජපක්ෂ මහතා අධිකරණයේ පෙනී සිටි අතර, දෙවැනි විත්තිකාරිය වන ඩේසි ෆොරස්ට් මහත්මිය වෙනුවෙන් ජනාධිපති නීතිඥ අනිල් සිල්වා මහතා විසින් වෛද්‍ය වාර්තාවක් ඉදිරිපත් කරන ලදී.

චෝදනාව: අයථා ලෙස උපයා ගත් රුපියල් මිලියන 57කට ආසන්න මුදලක් බැංකු ගිණුම් තුනක තැන්පත් කිරීම මගින් මුදල් විශුද්ධීකරණය වැළැක්වීමේ පනත උල්ලංඝනය කළ බවට නීතිපතිවරයා විසින් මොවුන්ට එරෙහිව මෙම නඩුව පවරා ඇත.