කොළඹ නගරයේ රථවාහන තදබදය අවම කිරීම මෙන්ම වඩාත් සුවපහසු සහ ආරක්ෂිත පොදු ප්රවාහන සේවාවක් සැපයීමේ අරමුණින්, බස්නාහිර පළාතේ මාර්ග 7ක් ඔස්සේ අලුතින් හඳුන්වා දුන් මෙට්රෝ බස් රථ 104ක් ධාවනයට එක් කිරීමට නියමිතව තිබෙනවා.
ජනාධිපතිතුමාගේ ප්රධානත්වයෙන් මෙම නව බස් රථ සේවාව ආරම්භ කිරීමට නියමිතයි.
හෙට (29) දින සිට එම මෙහෙයුම් ආරම්භ කිරීම සඳහා සියලු කටයුතු සූදානම් කර ඇති බව මෙට්රෝ බස් (Metro Bus) සභාපති එස්.එම්.යූ.පී. තිලකරත්න මහතා පවසනවා.
මෙම නව බස් රථ කොළඹ කේන්ද්ර කරගත් මාර්ග 7ක් ඔස්සේ ධාවනය වන අතර, මගීන්ට නියමිත මාර්ග සහ වේලාවන් අනුව තම ගමනාන්ත වෙත ළඟා වීමට හැකි වන පරිදි සේවාවන් ක්රියාත්මක කෙරෙනවා.
“මහජනතාවට සුවපහසුවෙන් සහ ආරක්ෂිතව තම ගමනාන්ත වෙත ළඟා වීමට උපකාර කිරීම සඳහා අපි මෙම බස් රථ සේවාව හඳුන්වා දෙන්නෙමු,” යනුවෙන් තිලකරත්න මහතා පවසනවා.
නව බස් රථ හඳුන්වා දීමේ ප්රධාන අරමුණක් වන්නේ කොළඹට ඇතුළු වන පෞද්ගලික වාහන සංඛ්යාව, විශේෂයෙන්ම එක් මගියෙකු පමණක් ගමන් කරන වාහන සංඛ්යාව, අවම කිරීම බව ඔහු සඳහන් කළා.
වර්තමානයේ බොහෝ දෙනෙකු කාර්යාල වෙත යාමට සහ ඒම සඳහා පෞද්ගලික වාහන භාවිතා කරන බවත්, බොහෝ විට එක් වාහනයක ගමන් කරන්නේ එක් පුද්ගලයෙකු පමණක් බවත්, එහි ප්රතිඵලයක් ලෙස දෛනික ගමනාගමනය සඳහා විශාල වාහන සංඛ්යාවක් භාවිතා වන බවත් තිලකරත්න මහතා පෙන්වා දුන්නා.
මෙම බස් රථ හඳුන්වා දීම තුළින් භාවිතා වන වාහන සංඛ්යාව අඩු කිරීම අපගේ බලාපොරොත්තුවය යැයි ඔහු පැවසුවා.
දෛනික ගමනාගමනය සඳහා පොදු ප්රවාහන සේවාවන් භාවිතා කිරීමට මහජනතාව දිරිමත් කිරීම මගින් කොළඹ පවතින රථවාහන තදබදය විසඳීමට උපකාරී විය හැකි බව ද ඔහු වැඩිදුරටත් සඳහන් කළා.
ලංකාවෙන් ‘ඔස්කාර්’ යවන්න ‘රිවර්ස්ටන්’ තෝරාගනී 
සජිත් ප්රේමදාස රජයෙන් කළ ඉල්ලීම 
ශෂී වීරවංශගේ නඩුවට අධිකරණයෙන් අද ලැබුණු නියෝගය 
රත්ගම වෙඩිතැබීමක් 
ලංකාවේ බලාපොරොත්තුව මල්ඵල දරයි! රුමේෂ්ට රන් පදක්කම හිමිවෙයි! 
ක්රිෂ් ගනුදෙනු නඩුවේ සිව්වැනි විත්තිකරු ලෙස නාමල් නම් කෙරේ 
විරාට් කෝලි ක්රිකට් වාර්තා පොත් අලුත් කරයි 
චාමික කරුණාරත්න අත්අඩංගුවට ගැනීමට වරෙන්තු 
ප්රබල අකුණු පිළිබඳ අවවාදාත්මක නිවේදනයක් 
යෝෂිතගේ නඩුවක් කැඳවීමට දින දෙයි 
ඇමති විජිත අද එක්සත් ජාතීන්ගේ මහා මණ්ඩල සැසිවාරය අමතයි 
බද්දේගම මහපාරේ පන්න පන්නා කළ වෙඩි තැබිල්ලෙලෙන් ‘කළු නෝනා’ට දිවි අහිමි වෙයි (වීඩියෝ)