ගාලුමුවදොර අසල මාර්ගයේ සවිකර තිබූ තාවකාලික අට්ටාල ඉවත් කරගනී

ජනාධිපති ලේකම් කාර්යාලය ඉදිරිපිට විරෝධතාවයේ නිරතවීම වළක්වමින් කොටුව මහේස්ත්‍රාත් අධිකරණය විසින් නිකුත් කළ නියෝගය පොලීසිය විසින් එම ස්ථානයේ සිටි භික්ෂූන් වහන්සේලා ඇතුළු පිරිසට කියවා භාරදීමට කටයුතු කර ඇත.

පොලිස් ඉල්ලීම මත අධි ආරක්ෂිත කලාපයක විරෝධතා පැවැත්වීම තහනම් කරමින් ලැබුණු එම අධිකරණ නියෝගයත් සමඟම, ගාලු පාර ආසන්නයේ ඉදිකර තිබූ තාවකාලික අට්ටාල ඉවත් කරගැනීමට සත්‍යග්‍රහයේ නිරත පිරිස කටයුතු කර තිබේ.

පූජ්‍ය ගලගොඩඅත්තේ ඥානසාර හිමියන් නිදහස් කරන ලෙස ඉල්ලා ආරම්භ කළ ‘සිවුරට යුක්තිය – නිදහසේ පා ගමනට’ එක්වූ මහා සංඝරත්නය ඇතුළු පිරිස ඊයේ දිනයේ සිට ජනාධිපති ලේකම් කාර්යාලය ඉදිරිපිට මාර්ගයේ රැඳී සිටියහ.