බොරැල්ල ප්‍රදේශයේ මාර්ග අවහිරතාවක් හේතුවෙන් විකල්ප මාර්ග භාවිත කරන ලෙසට පොලීසියෙන් දැනුම්දීමක්

බොරැල්ල පොලිස් වසමට අයත් මොඩෙල් ෆාම් හන්දියේ සිට ඩී.එස්. හන්දිය දෙසට කොළඹ නගරයට ඇතුළුවන මංතීරුවේ හදිසි මාර්ග අලුත්වැඩියා කටයුත්තක් හේතුවෙන් රථවාහන ගමනාගමනයට බාධා පැමිණ ඇති බව පොලීසිය පවසනවා.

ඩී.එස්. සේනානායක මාවතේ, ඩී.එස්. හන්දියට ආසන්න ප්‍රදේශයේ ජල නල පද්ධතියක කාන්දුවක් සඳහා හදිසි අලුත්වැඩියා කටයුත්තක් සිදු කිරීමට මේ වන විට එම මාර්ගයේ කැණීම් සිදු කරමින් පවතින බවත්, ඒ හේතුවෙන් කොළඹට ඇතුළුවන මංතීරුවේ රථවාහන ගමනාගමනය සීමා කර ඇති බවත් පොලීසිය සඳහන් කරනවා.

පාර්ලිමේන්තු මාර්ගය, කාසල් වීදිය සහ මොඩෙල් ෆාම් හරහා ඩී.එස්. සේනානායක මාවත ඔස්සේ කොළඹට පැමිණීමට අපේක්ෂා කරන රියැදුරන් සඳහා විකල්ප මාර්ග හඳුන්වා දී ඇති බවයි වැඩිදුරටත් සඳහන් වන්නේ.

අදාළ නිවේදනය පහතින්.