බොරතෙල් මිල යළි ඉහළට

ලෝක වෙළෙඳපොළේ බොරතෙල් මිල ගණන් යළිත් ඉහළ ගොස් ඇති බව විදෙස් මාධ්‍ය වාර්තා කරයි. පසුගිය දින කිහිපය තුළ පැවති මිල ගණන්වලට සාපේක්ෂව ප්‍රධාන බොරතෙල් වර්ග තුනෙහිම මිලෙහි වර්ධනයක් මෙහිදී පෙන්නුම් කරයි.

වෙළෙඳපොළ දත්තවලට අනුව, බ්‍රෙන්ට් (Brent) වර්ගයේ බොරතෙල් බැරලයක මිල 1.22%කින් ඉහළ ගොස් ඇති අතර එහි නව මිල ඇමෙරිකානු ඩොලර් 106.35ක් ලෙස සටහන් වේ. එමෙන්ම WTI බොරතෙල් බැරලයක මිල 1.17%කින් ඉහළ ගොස් ඇමෙරිකානු ඩොලර් 96.97ක් දක්වා වැඩි වී තිබේ.

මෙම මිල ඉහළ යාම් අතරතුර වඩාත්ම කැපී පෙනෙන වර්ධනයක් පෙන්නුම් කරන්නේ මර්බන් (Murban) බොරතෙල් වර්ගයයි. එය 2.74%ක ඉහළ අගයකින් වර්ධනය වී ඇති අතර, ඒ අනුව මර්බන් බොරතෙල් බැරලයක නව මිල ඩොලර් 105.95ක් දක්වා ඉහළ ගොස් ඇත.