ප්‍රගීත් එක්නැලිගොඩ නඩුවේ වැඩිදුර විභාගයට දින නියම වෙයි

පැහැරගෙන ගොස් අතුරුදන් කළ බව කියන මාධ්‍යවේදී ප්‍රගීත් එක්නැලිගොඩ මහතා සම්බන්ධ නඩුවේ වැඩිදුර විභාගය ලබන 16 වැනිදා දක්වා කල් තබා තිබෙනවා.

අද (9) කොළඹ ස්ථිර ත්‍රිපුද්ගල මහාධිකරණය හමුවේ නඩුව විභාගයට ගත් අවස්ථාවේදී පැමිණිල්ලේ සිව්වැනි සාක්ෂිකරුගෙන් විත්තිය විසින් හරස් ප්‍රශ්න විමසීම සිදු කර ඇති බව සඳහනි්.

එහිදී, පළමු විත්තිකරු විසින් සිදුකළ බලපෑම් හේතුවෙන් මීට පෙර සාක්ෂි වෙනස් කිරීමට සිදුවූ බවට සිව්වැනි සාක්ෂිකරු අධිකරණය හමුවේ සාක්ෂි ලබාදී තිබෙනවා.

වැඩිදුර නඩු විභාගය ලබන 16 වැනිදා පැවැත්වීමට නියමිත අතර, එදිනට 53 සහ 98 යන සාක්ෂිකරුවන් කැඳවීම සඳහා නොතීසි නිකුත් කර තිබෙනවා.