පවතින ගෑස් හිඟය නිමවන දිනය

මෙට්‍රික් ටොන් 3,900 ක ගෑස් තොගයක් රැගත් නව නෞකාවක් අද (ඔක්තෝබර් 18) දිනයේදී මෙරටට ළඟා වීමට නියමිතව තිබේ.

ඊයේ දිනයේදී කිලෝග්‍රෑම් 12.5 ක ගෘහස්ථ ගෑස් සිලින්ඩර ලක්ෂයක් වෙළඳපොළට නිකුත් කර ඇති අතර, අද දිනයේදී ද ගෑස් සිලින්ඩර 85,000 ක් බෙදා හැරීමට නියමිත බව ලිට්‍රෝ සමාගම පවසයි. පසුගිය දින 2 තුළ ගෑස් බෙදා නොහැරීම හේතුවෙන් මතු වූ ගෑස් හිඟය එළඹෙන අඟහරුවාදා වන විට සම්පූර්ණයෙන්ම විසඳෙන බව ලිට්‍රෝ සභාපති චන්න ගුණවර්ධන සඳහන් කරයි.

මේ අතර, එළඹෙන 20 සහ 24 යන දිනවලදී මෙට්‍රික් ටොන් 3,800 ක් රැගත් ගෑස් නෞකාවක් හම්බන්තොට වරායටත්, මෙට්‍රික් ටොන් 3,500 ක් රැගත් ගෑස් නෞකාවක් කොළඹ වරායටත් පැමිණීමට නියමිත බව ලාෆ් ගෑස් සමාගමේ සභාපති නලින්ද කුරුකුලසූරිය පවසයි.