ගංජා නිසා පාර්ලිමේන්තුව ඊයේත් උණුසුම් වෙයි! පාර්ලිමේන්තුව අසල ඉඩමෙහි ගංජා වගා කරන ලෙස යෝජනාවක්!

පාර්ලිමේන්තු සංකීර්ණය පිහිටි භූමියේ ඇති හිස් ඉඩම් කොටසේ ආදර්ශ ගංජා වගාවක් සිදු කරන ලෙස සමගි ජන බලවේග පාර්ලිමේන්තු මන්ත්‍රි හර්ෂ ද සිල්වා මහතා පාර්ලිමේන්තුවට යෝජනා කළේය.

ඒ සංචාරක රාජ්‍ය ඇමතිනිය විසින් කරන ලද ප්‍රකාශයකට ප්‍රතිචාරයක් ලෙසයි.

සංචාරක ඇමති රාජ්‍ය ඇමති ඩයනා ගමගේ මහත්මිය කියා සිටියේ ගංජා වගා කිරිම ශ්‍රී ලංකාවේ නීතිවිරෝධී නැති බවත් ගංජා අපනයනයෙන් විශාල විදේශ විනිමය ප‍්‍රමාණයක් උපයා ගත හැකි බවත්ය.

හර්ෂද සිල්වා මහතා සදහන් කලේ ගංජා අපනයනයෙන් ඩොලර් උපයා ගැනීම තමන් පිලි නොගන්නා බවත් ගංජා විකුණා දියුණු වූ රටවල් ලෝකයේ නැති බවත්ය.

එමෙන්ම ගංජා වගා කිරීම නීති විරෝධී නොමැති නම් අනෙක් අයට චෝදනා කරමින් නොසිට පාර්ලිමේන්තුව අසල පිහිටි අක්කරයකට ආසන්න හිස් ඉඩමේ හෝ ගංජා වගාවක් ආරම්භ කරන ලෙසයි ඒ මහතා වැඩිදුරටත් සඳහන් කළේ.