පිට ගිය උත්තර දේවි නිසා පළමු රැය මහව දුම්රිය ස්ථානයේ ගෙවා දැමීමට සිදු වූ අපූරු මංගල ගමන

බැතිමතුන්ට සහ සංචාරකයන්ට කොළඹ කොටුවේ සිට අනුරාධපුරය දක්වා ගමන් කිරීම සඳහා පහසුකම් සැලසීමට දුම්රිය දෙපාර්තමේන්තුව විසින් ආරම්භ කළ විශේෂ දුම්රිය ගමනේ මංගල ගමන් වාරය අවසන් කිරීමට හැකියාව ලැබී නැහැ.

ඒ උත්තර දේවී දුම්රිය පීලි පැනීම හේතුවෙන් උතුරු දුම්රිය මාර්ගයේ ගමනාගමනයට බාධා එල්ල වීම හේතුවෙන්.

එම නිසා කොළඹ කොටුවේ සිට අනුරාධපුරය දක්වා අද ගමන් ආරම්භ කළ විශේෂ දුම්රිය මහව දුම්රිය ස්ථානය දක්වා පමණක් සීමා කිරීමට දුම්රිය දෙපාර්තමේන්තුවට සිදුව තිබෙනවා.

මේ හේතුවෙන් එම දුම්රියේ ගමන් කළ මගීන් දැඩි අපහසුතාවයකට ලක්ව ඇති බවයි පැවසෙන්නේ

ඊයේ(08) උදෑසන කන්කසන්තුරය සිට කොළඹ කොටුව බලා ධාවනය වූ උත්තර දේවී නරගාන්තර දුම්රිය තඹුත්තේගම හා සෙනරත්ගම දුම්රිය ස්ථාන අතර පීලී පැනීමකට ලක්වුණා.

ඉදිරි එන්ජිම සහිත මැදිරිය හා තවත් එක් මැදිරියක් පීලී පැන තිබූ අතර අද පස්වරුව වන තෙක් එය යථා තත්ත්වයට පත් කිරීමට හැකියාව ලැබී තිබුණේ නැහැ.

මේ හේතුවෙනුයි උතුරු මාර්ගයේ දුම්රිය ධාවනයට බාධා එල්ල වූයේ.