සාරි, ඔසරි අඳින්න අමාරුයි! අපිටත් සුදුසු ඇඳුමක් දෙන්න! ගුරුවරු රජයෙන් ඉල්ලයි!

රාජ්‍ය සේවයේ ගෞරවය රැකෙන පරිදි සුදුසු ඇඳුමකින් සැරසී පැමිණීම සම්බන්ධනේ රාජ්‍ය සේවකයින් සඳහා නිකුත් කර ඇති චක්‍රලේඛය ගුරුවරුන්ටද ක්‍රියාත්මක කරන ලෙස ලංකා ගුරු සංගමය ඉල්ලීමක් කරනවා.

පවතින ආර්ථික පීඩනය හමුවේ ඉහළ මිලක් ලබාදී සාරි මිලදී ගැනීම ගැටලුකාරී තත්ත්වයක් බවත් ප්‍රවාහන දුෂ්කරතා හේතුවෙන් බොහෝ ගුරුවරියන් පා පැදි හා යතුරු පැදි භාවිතා කරමින් පාසල් පැමිණීම සිදු කරන බවයි එම සංගමයේ ප්‍රධාන ලේකම් ජෝසප් ස්ටාලින් සඳහන් කරන්නේ.

ඒ අනුව එම තත්ත්වය මත සාරිය හා ඔසරිය මහත් බාධාකාරීවී ඇති බැවින් රාජ්‍ය සේවකයින් සඳහා නිකුත් කර ඇති රාජ්‍ය සේවයේ ගෞරවය රැකෙන පරිදි සුදුසු ඇඳුමකින් සැරසී පැමිණීමට අදාළ චක්‍රලේඛය ගුරුවරුන්ටද ක්‍රියාත්මක කරන ලෙස ඔවුන් ඉල්ලා සිටිනවා.

ගුරුවරියන් දරුවන් සමඟ කටයුතු කිරීමේදී සාරිය, ඔසරිය වැනි ඇඳුමකට වඩා වෙනත් පහසු සරල ඇඳුමක් සැරසීමෙන් කාර්යක්ෂම ලෙස කටයුතු කළ හැකි බවයි ලංකා ගුරු සංගමය වැඩිදුරටත් සඳහන් කරන්නේ.

ඔවුන් නිවේදනයක් නිකුත් කරමින් මෙම ඉල්ලීම සිදු කර තිබෙනවා.